New Zealand Post Study Work Visa Rules:ન્યૂઝીલેન્ડમાં અભ્યાસ કરનારા આંતરરાષ્ટ્રીય વિદ્યાર્થી (International Student)ના વિઝા સાથે સંકળાયેલ નિયમોમાં ફેરફાર કર્યાં છે. ન્યૂઝીલેન્ડે 16 નવેમ્બર 2026થી યોગ્યતા ધરાવતા વિદેશી ગ્રેજ્યુએટ્સને માટે નવા શોર્ટ ટર્મ ગ્રેજ્યુએટ વર્ક વિઝા શરૂ કર્યાં છે. તે અંતર્ગત કેટલાક એવા વિદ્યાર્થી અભ્યાસ પૂરો કર્યાં બાદ ન્યૂઝીલેન્ડમાં રહીને કામ પણ કરી શકશે કે જે વર્તમાન સમયમાં પોસ્ટ સ્ટડી વર્ક વિઝ માટે યોગ્યતા ધરાવતા નથી. આ સાથે જ વર્તમાન Post Study Work Visaને લઈ યોગ્યતામાં પણ વિસ્તરણ કરવામાં આવ્યું છે.
6 મહિનાનો નવો Work Visa
આ પણ વાંચો
ઇમિગ્રેશન ન્યુઝીલેન્ડ પ્રમાણે નવા શોર્ટ-ટર્મ ગ્રેજ્યુએટ વર્ક વિઝા યોગ્યતા ધરાવતા ગ્રેજ્યુએટ્સ ન્યુઝીલેન્ડમાં વધુમાં વધુ છ મહિના માટે કામ કરવાની મંજૂરી આપશે. આ વિઝા ઓપન વર્ક રાઈટ આપે છે.તેનો અર્થ એ છે કે અરજી કરતા પહેલા કોઈ નોકરીની ઓફરની જરૂર નથી અને વિઝાના નિયમો અને શરતોમાં કોઈપણ કંપની સાથે કામ કરી શકાય છે. આ વિઝા એવા સ્નાતકો માટે છે કે જેમણે ન્યુઝીલેન્ડમાં એલિજિબલ NZQCF લેવલ 5-6 અથવા 7 લાયકાત પૂરી કરી છે, પરંતુ તેમની લાયકાત તેમને હાલના પોસ્ટ-વર્ક/પોસ્ટ-સ્ટડી વર્ક વિઝા માટે એલિજિબલ બનાવતી નથી.
કોણ અરજી કરી શકે છે
નવા વિઝા માટે ન્યૂઝીલેન્ડમાં ઓછામાં ઓછા 24 અઠવાડિયા ફુલ ટાઈમ અભ્યાસ પૂરો કરવા માટે સંબંધિત લાયકાત જરૂરી છે. આ વિઝા માટે અંગ્રેજી ભાષા અને ફાઉન્ડેશનની જરૂર નથી કે માન્ય નથી. અરજદારો પાસે ઉપલબ્ધ ભંડોળમાં ઓછામાં ઓછા 5,000 NZD પણ હોવા જોઈએ. વધુમાં આરોગ્ય અને ચારિત્ર્યની આવશ્યકતા પૂરી કરવી જરૂરી છે. સ્નાતકોએ તેમના ન્યૂઝીલેન્ડ સ્ટુડન્ટ વિઝાની સમાપ્તિના ત્રણ મહિનાની અંદર અરજી કરવી જરૂરી છે. આ વિઝા છ મહિના માટે માન્ય છે અને ફક્ત એક જ વાર આપવામાં આવે છે.
પોસ્ટ-સ્ટડી વર્ક વિઝા કેટલો સમય ચાલશે?
લાયક ગ્રેજ્યુએટ ડિપ્લોમા વિદ્યાર્થીઓ તેમના અભ્યાસના સમયગાળા જેટલો પોસ્ટ-સ્ટડી વર્ક વિઝા મેળવી શકે છે, જેની મહત્તમ અવધિ એક વર્ષ હશે. લાયક લેવલ 8 અનુસ્નાતક ડિપ્લોમા ધરાવતા વિદ્યાર્થીઓને એક વર્ષના સમયગાળા માટે પોસ્ટ-સ્ટડી વર્ક વિઝા મળશે અને એલિજીબલ માસ્ટર ડિગ્રી ધરાવતા વિદ્યાર્થીઓને ત્રણ વર્ષના સમયગાળા માટે પોસ્ટ-સ્ટડી વર્ક વિઝા મળશે, જોકે શરતો લાગુ પડશે.