SIP Calculator:રોકાણને લઈ ઘણા લોકો એવું વિચાર કરે છે કે આવક વધ્યાં બાદ બચત અને રોકાણ શરૂ કરશે. જોકે જેમ જેમ કમાણી વધે છે તેમ તેમ જીવનશૈલી અને દૈનિક ખર્ચ પણ વધી શકે છે. આ સંજોગોમાં રોકાણને ટાળવાને બદલે નાની રકમથી શરૂઆત કરવી જરૂરી બને છે. આ બાબતને કંઈક આ રીતે સમજીએ કે મ્યુચ્યુઅલ ફંડ (Mutual Fund)માં રૂપિયા બે હજારની માસિક SIPથી લાંબા સમયમાં એક મોટું ફંડ ઉભુ કરી શકાય છે.
રૂપિયા 2 હજારની SIPથી કેટલા પૈસા બચાવી શકાય છે?
જો કોઈ રોકાણકાર દર મહિને રૂપિયા 2000ની SIP કરે છે અને લાંબા સમય સુધી રોકાણને જાળવી રાખે છે તો કમ્પાઉન્ડિંગનો ફાયદો મળી શકે છે. જ્યારે 14 ટકાના અંદાજીત વળતર પર આ લક્ષ્યાંક આશરે 14 વર્ષમાં અને 16 ટકા વળતર પર આશરે 13 વર્ષમાં હાંસલ કરી શકાય છે. અહીં વિશેષ ધ્યાન આપવાની જરૂર એ છે કે આ એક અનુમાન છે અને વાસ્તવિક વળતર બજારના પર્ફોમન્સ પર આધાર રાખે છે.
સ્ટેપ-અપ SIP તમને તમારા લક્ષ્યને ઝડપથી પ્રાપ્ત કરવામાં મદદ કરી શકે છે
સ્ટેપ-અપ SIP તમારા રૂપિયા 10 લાખના લક્ષ્યાંકને ઝડપથી પ્રાપ્ત કરવા માટે એક શક્તિશાળી વ્યૂહરચના બની શકે છે. આ અભિગમમાં, SIP રકમ દર વર્ષે નિશ્ચિત ટકાવારીથી વધારવામાં આવે છે. જો કોઈ રોકાણકાર દર વર્ષે તેમની માસિક SIP 10% વધે છે, તો રોકાણની રકમ સમય જતાં ઝડપથી વધે છે. ઉદાહરણ તરીકે રૂપિયા 2,000 થી શરૂ થતી SIP આગામી વર્ષે રૂપિયા 2,200 અને પછીના વર્ષે રૂપિયા 2420 સુધી વધારી શકાય છે. આવક વધતાં SIP વધારવાથી સંપત્તિ નિર્માણ પણ ઝડપી બની શકે છે.
રૂપિયા 10 લાખ લક્ષ્યાંક પ્રાપ્ત કરવા માટે શિસ્તની જરૂર
રૂપિયા 10 લાખનું ભંડોળ બનાવવા માટે મોટા પ્રારંભિક રોકાણની જરૂર નથી. રૂપિયા બે બજારની SIP એ તમારી રોકાણ યાત્રા શરૂ કરવાનો એક શ્રેષ્ઠ માર્ગ છે. જોકે નિયમિત રોકાણ, લાંબા ગાળાના રોકાણનો સંભાવના અને સમયાંતરે તમારી SIP વધારવાની ટેવ આવશ્યક છે. વધુમાં મ્યુચ્યુઅલ ફંડ વળતરની ખાતરી આપવામાં આવતી નથી, અને ઇક્વિટી રોકાણોમાં જોખમ શામેલ છે. તેથી રોકાણ કરતા પહેલા તમારા નાણાકીય લક્ષ્યો, જોખમ પ્રોફાઇલ અને રોકાણ ક્ષિતિજને ધ્યાનમાં લેવું મહત્વપૂર્ણ છે.