EPFOનો મોટો નિર્ણય, 3 જૂની યોજનાઓ અપડેટ, જાણો EPS-2026 શું છે?

શું તમારું પણ PF કપાય છે? સરકારે EPS 2026 લાગુ કરી પેન્શનના નિયમો બદલ્યા છે. જાણો શું છે નવા ફેરફાર, કેટલું મળશે વ્યાજ અને કોને થશે ફાયદો.

By: Jignesh TrivediEdited By:Jignesh TrivediPublish Date: Wed, 01 Jul 2026 11:23 PM (IST)Updated: Wed, 01 Jul 2026 11:28 PM (IST)
epfos-big-decision-3-old-schemes-updated-know-what-is-eps2026

EPFO New Rules 2026:દેશમાં શ્રમ અને રોજગાર મંત્રાલયે પેન્શન અને પ્રોવિડન્ટ ફંડ સાથે જોડાયેલી ત્રણ દાયકા જૂની વ્યવસ્થાઓમાં મોટો ફેરફાર કર્યો છે. હવે 'એમ્પ્લોઈઝ પેન્શન સ્કીમ, 1995' (EPS-95) અને 'એમ્પ્લોઈઝ ફેમિલી પેન્શન સ્કીમ, 1971' ને બદલીને 'એમ્પ્લોઈઝ પેન્શન સ્કીમ, 2026' લાગુ કરવામાં આવી છે. આ ફેરફારો 29 જૂન, 2026 થી અમલમાં આવ્યા છે.

શું બદલાયું?

આ નવી સિસ્ટમનો મુખ્ય ઉદ્દેશ્ય પેન્શન પ્રક્રિયાને સરળ અને ડિજિટલ બનાવવાનો છે.

ઝડપી ક્લેમ: હવે પેન્શનના ક્લેમનો નિકાલ મહત્તમ 20 દિવસની અંદર કરવામાં આવશે.

વિલંબ પર વ્યાજ: જો EPFO કોઈ નક્કર કારણ વગર ક્લેમ પ્રોસેસ કરવામાં વિલંબ કરશે, તો કર્મચારીને 12%ના દરે વ્યાજ ચૂકવવામાં આવશે.

વધુ પેન્શન: નવી સ્કીમમાં હાયર પેન્શનના વિકલ્પોને વધુ સ્પષ્ટ રીતે સમાવવામાં આવ્યા છે.

ડિજિટલ કમ્પ્લાયન્સ: એમ્પ્લોયર્સ (માલિકો) માટે તમામ પ્રક્રિયા ડિજિટલ કરી દેવામાં આવી છે, જેથી પારદર્શિતા વધશે.

શું જૂના નિયમો યથાવત છે?

ઘણા કર્મચારીઓને ચિંતા હોય છે કે શું તેમનું યોગદાન બદલાશે? તો તેનો જવાબ છે: ના.

યોગદાન: કર્મચારી અને માલિકનું યોગદાન પહેલાની જેમ જ રહેશે.

EPS યોગદાન: માલિક દ્વારા પેન્શન ફંડમાં જમા કરવામાં આવતો પગારનો 8.33% હિસ્સો અને સરકારનો 1.16% હિસ્સો જે રીતે પહેલા જમા થતો હતો, તે જ રીતે ચાલુ રહેશે.

પાત્રતા: જે કર્મચારીઓ જૂની EPS-95 કે ફેમિલી પેન્શન સ્કીમ હેઠળ આવતા હતા, તેઓ આપમેળે નવી EPS-2026ના સભ્ય બની ગયા છે.

આ ફેરફારથી સામાન્ય કર્મચારીને શું ફાયદો થશે?

સલામતી: સરકારી યોગદાન પર ન્યૂનતમ રિટર્નની ખાતરી આપવામાં આવી છે.

પારદર્શિતા: ડિજિટલ પ્રોસેસિંગને કારણે પેપરવર્ક ઘટશે અને કામ ઝડપથી થશે.

જવાબદારી: ક્લેમમાં વિલંબ થતા વ્યાજ મળવાનો નિયમ આવવાથી EPFOની જવાબદારી વધી છે, જે કર્મચારીઓ માટે સીધો ફાયદો છે.

યાદ રાખવા જેવી બાબતો

આ સ્કીમ 29 જૂન, 2026થી લાગુ છે.

તમારા PF એકાઉન્ટ સાથે આધાર કાર્ડ અને લેટેસ્ટ બેંક ડિટેલ્સ અપડેટ રાખવી જરૂરી છે, જેથી ક્લેમમાં કોઈ અડચણ ન આવે.

PFના નિયમોમાં આ એક આધુનિક સુધારા તરીકે જોવામાં આવી રહ્યો છે, જે 'સોશિયલ સિક્યુરિટી કોડ' હેઠળ લાવવામાં આવ્યો છે.

EPFO દ્વારા લેવાયેલું આ પગલું કર્મચારીઓના રિટાયરમેન્ટ પ્લાનિંગને વધુ સરળ અને સુરક્ષિત બનાવશે. જો તમે ખાનગી કંપનીમાં નોકરી કરો છો, તો હવે તમારા પેન્શનના ફંડની પ્રોસેસિંગ પહેલા કરતા વધુ ઝડપી અને જવાબદાર બનશે.