Hormuz And Crude Oil:મધ્ય પૂર્વમાં જ્યારે વૈશ્વિક વ્યાપાર માટે સ્ટ્રેટ ઓફ હોર્મુઝ(Strait of Hormuz)ને ફરીથી ખોલવાની જાહેરાત કર્યાં બાદ વિશ્વ અર્થતંત્રને મોટો હાશકારો થયો છે. આ અહેવાલ બાદ વિશ્વ બજારમાં ક્રુડ ઓઈલના ભાવમાં મોટો ઘટાડો થયો છે. ઈરાને સ્ટ્રેટ ઓફ હોર્મુઝ ફરીથી ખોલતા આંતરરાષ્ટ્રીય બજારમાં ક્રુડ ઓઈલના ભાવમાં આશરે 11 ટકાનો કડાકો બોલાઈ ગયો છે.
વિશ્વ બજારમાં ક્રુડ WIT ક્રુડનો ભાવ 10.67 ડોલર એટલે કે 11.27 ટકા તૂટીને 84.02 ડોલર પર આવી ગયા છે. જ્યારે બ્રેન્ટ ક્રુડનો ભાવ બેરલદીઠ ભાવ 10.06 ડોલર એટલે કે 10.12 ટકા ગગડી 89.33 ડોલર થયા છે. આ ઉપરાંત મુરબાન ક્રુડનો ભાવ પણ આશરે 8 ડોલર એટલે કે 8 ટકા તૂટીને 93 ડોલર પહોંચી ગયા છે. આ સાથે ભારતીય અર્થતંત્રને માટે મોટી રાહત મળી છે. ભારત પર ક્રુડ ઓઈલના વધી રહેલા ભાવની સ્થિતિમાં ભારે દબાણ જોવા મળતું હતું.
આ પણ વાંચો
In line with the ceasefire in Lebanon, the passage for all commercial vessels through Strait of Hormuz is declared completely open for the remaining period of ceasefire, on the coordinated route as already announced by Ports and Maritime Organisation of the Islamic Rep. of Iran.
— Seyed Abbas Araghchi (@araghchi) April 17, 2026
ઈરાન પર અમેરિકા ઈઝરાયલે હુમલો કરેલો
ઈરાન પર અમેરિકા તથા ઈઝરાયેલે પ્રથમ વખત 28 ફેબ્રુઆરી 2026ના રોજ હુમલો કરવામાં આવ્યો હતો. તે દિવસથી સ્ટ્રેટ ઓફ હોર્મુઝથી જહાજોની અવર-જવરને ભારે અસર થઈ હતી. કેટલાક દિવસ બાદ હોર્મુઝને ઈરાને સંપૂર્ણપણે બંધ કરી દીધો હતો. આ રીતે 28 ફેબ્રુઆરી 2026થી 17 એપ્રિલ 2026 સુધી એટલે કે 49 દિવસ બાદ હોર્મુઝને ઈરાન દ્વારા સંપૂર્ણપણે ખોલી દેવામાં આવ્યો છે.