City Vibe Exhibition Ahmedabad: અમદાવાદના હૃદયસમા નવરંગપુરા વિસ્તારમાં આજથી ત્રણ દિવસીય ‘સિટી વાઇબ શોપિંગ & લાઇફસ્ટાઇલ એક્ઝિબિશન' નો ભવ્ય પ્રારંભ થયો છે. પવિત્ર અને આનંદમય નવરાત્રી ઉત્સવને આવકારવા માટે સી.જી. રોડ પર સ્વસ્તિક ક્રોસ રોડ નજીક આવેલા શ્રી સત્યાવીસ દશા પોરવાડ વિદ્યા મંદિર હોલ ખાતે આ વિશેષ મહોત્સવનું આયોજન કરવામાં આવ્યું છે. 9, 10 અને 11 ઓક્ટોબર 2026 દરમિયાન યોજાઈ રહેલા આ ઉત્સવમાં અમદાવાદના નાગરિકો માટે તહેવારોની ખરીદીનો એક અનોખો સંગમ રજૂ કરવામાં આવ્યો છે.
59 થી વધુ બ્રાન્ડ્સ અને વિવિધ કલેક્શનનું આકર્ષણ
આ એક્ઝિબિશનમાં 59 થી વધુ વિવિધ જાણીતી બ્રાન્ડ્સ અને આકર્ષક સ્ટૉલ્સનો સમાવેશ થાય છે. જેમાં ખાસ કરીને ટ્રેડિશનલ અને ટ્રેન્ડી ફેશન, ડિઝાઇનર આભૂષણો, લાઈફસ્ટાઈલ પ્રોડક્ટ્સ, બ્યુટી પ્રોડક્ટ્સ તેમજ ઘરવપરાશની સામગ્રીનું વિશાળ કલેક્શન ઉપલબ્ધ કરાવવામાં આવ્યું છે. શહેરના નાગરિકો શાંતિપૂર્ણ અને અનુકૂળ વાતાવરણમાં ખરીદીનો આનંદ માણી શકે તે માટે સમગ્ર આયોજન સંપૂર્ણપણે AC હોલમાં કરવામાં આવ્યું છે. એક જ સ્થળેથી નવરાત્રી તથા આગામી તહેવારો માટેની તમામ જરૂરી વસ્તુઓ મળી રહેતી હોવાથી મુલાકાતીઓમાં ભારે ઉત્સાહ જોવા મળી રહ્યો છે.
મનોરંજન, ફૂડ કોર્ટ અને ખાસ સરપ્રાઇઝ ગિફ્ટ
માત્ર શોપિંગ જ નહીં પરંતુ સમગ્ર પરિવાર માટે મનોરંજન મળી રહે તે હેતુથી આ પ્રદર્શનમાં ગરબા કલ્ચરલ વાઇબ્સ, શાકાહારી ફૂડ કોર્ટ, અને બાળકો માટે ખાસ કિડ્સ એક્ટિવિટી ઝોન પણ તૈયાર કરવામાં આવ્યો છે. આ ઉપરાંત આયોજકો દ્વારા દરેક મુલાકાતી માટે ખાસ સરપ્રાઇઝ હોમ-કેર ગિફ્ટ, શોપિંગ ખરીદી પર આકર્ષક ઈનામો અને દૈનિક લકી ડ્રો જેવી સુવિધાઓ પણ રાખવામાં આવી છે. આ ત્રણ દિવસીય મહોત્સવ દરમિયાન હજારો મુલાકાતીઓ આ પ્રદર્શનનો લાભ લેશે તેવી શક્યતા વ્યક્ત કરવામાં આવી છે.
આ શોપિંગ ઉત્સવ અમદાવાદના સંસ્કૃતિક અને ઉત્સવપ્રેમી વાતાવરણમાં નવરાત્રીની રોનક વધારવાનું કાર્ય કરી રહ્યો છે. સ્થાનિક વેપારીઓને પ્રોત્સાહન આપવાની સાથે સાથે શોપિંગ પ્રેમીઓ માટે આ એક્ઝિબિશન ઉત્સવોની ખરીદીનું એક મુખ્ય કેન્દ્ર બની રહ્યું છે.