Adani Cement Durga Puja: અદાણી પોર્ટફોલિયોનો હિસ્સો અને વિશ્વની 9મી સૌથી મોટી સિમેન્ટ ઉત્પાદક કંપની અદાણી સિમેન્ટે આ વર્ષે નવરાત્રિ અને દુર્ગા પૂજા અંતર્ગત એક અનોખો ઇતિહાસ રચ્યો છે. મધ્યપ્રદેશના કૈમૂર પ્લાન્ટ ખાતે અંબુજા અને ACC સિમેન્ટની 15,000 પેક્ડ બેગ્સનો ઉપયોગ કરીને 70 ફૂટ × 70 ફૂટના કેનવાસ પર મા દુર્ગાની વિશાળ આકાશી પ્રતિકૃતિ તૈયાર કરવામાં આવી છે. આશરે 750 ટન સિમેન્ટના વજન ધરાવતી મા દુર્ગાની આ આબેહૂબ આકાશી પ્રગટીકરણના નજારાને કંપનીના ડિજિટલ અને સોશિયલ પ્લેટફોર્મ માટે એક ડિજિટલ ફિલ્મમાં કેદ કરી હતી.
12,600 માનવ-કલાકોનો સામૂહિક પુરુષાર્થ
આ સમગ્ર અદ્ભુત સર્જન પાછળ શ્રમિકો અને કલાકારોની અથાક મહેનત છુપાયેલી છે. કુલ 12,600 માનવ-કલાકોના સામૂહિક પરિશ્રમથી આ ભવ્ય દૈવી સ્વરૂપ આકાર પામ્યું છે. આ અભિયાનને સોશિયલ મીડિયા પર એક ખાસ ડિજિટલ ફિલ્મ સ્વરૂપે રજૂ કરવામાં આવ્યું છે.
જમીનથી આકાશ સુધીની દૈવી સફર
ડિજિટલ ફિલ્મની શરૂઆત જમીન સ્તરથી થાય છે, જ્યાં શ્રમિકોના હાથ કામ કરી રહ્યા છે અને સિમેન્ટની બેગ્સ એક સામાન્ય ગોઠવણ જેવી લાગે છે. પરંતુ, કેમેરો જેવા કૈમૂરના આકાશ તરફ ઉપર જાય છે, કે તરત જ 15,000 અલગ-અલગ બેગ્સ એક થઈને મા દુર્ગાના ભવ્ય સ્વરૂપમાં પરિવર્તિત થતી દેખાય છે. આકાશમાંથી મા દુર્ગાનો મુગટ, ચમકતી આંખો અને દસ હાથ ધરાવતી દૈવી પ્રતિમા સ્પષ્ટ અને આબેહૂબ દ્રશ્યમાન થાય છે.
'જહાં વિશ્વાસ, વહાં શક્તિ'નો સંદેશ
આ અભિયાન અદાણી સિમેન્ટના બે મુખ્ય બ્રાન્ડ પિલર્સ પર આધારિત છે — 'શક્તિ' (અંબુજા સિમેન્ટની મજબૂતી) અને 'વિશ્વાસ' (ACCનો 9 દાયકા જૂનો ભરોસો). જે સામગ્રીથી ઘરો અને દેશનું ઇન્ફ્રાસ્ટ્રક્ચર બને છે, તે જ સામગ્રીમાંથી મા દુર્ગાનું સ્વરૂપ કંડારીને કંપનીએ ભરોસા અને મજબૂતીના મિલનને સાકાર કર્યું છે.
કૈમૂરના વારસા અને આસ્થાની ઉજવણી
આ અભિયાન માત્ર એક કલાકૃતિ નથી, પરંતુ કૈમૂરના સ્થાનિક લોકો, તેમની સંસ્કૃતિ અને આસ્થાની ઉજવણી છે. કૈમૂરમાં 1923થી ACCનો પ્લાન્ટ કાર્યરત છે અને ત્યાં રામલીલા તથા દુર્ગાપૂજાની ઉજવણીનો લાંબો વારસો રહ્યો છે. શ્રમિકોની મહેનત અને ભક્તિનો આ ત્રિવેણી સંગમ આ અહેવાલ દ્વારા સોશિયલ મીડિયા પર લોકોના દિલ જીતી રહ્યો છે.
