TVS Orbiter V1: જો તમે રોજ ઓફિસ, કોલેજ કે અન્ય કામ માટે સ્કૂટરનો ઉપયોગ કરો છો અને પેટ્રોલનો ખર્ચ બચાવવા માંગો છો, તો ઇલેક્ટ્રિક સ્કૂટર સારો વિકલ્પ બની શકે છે. TVS Orbiter V1માં 86 કિમીની ક્લેમ્ડ રેન્જ સાથે અનેક ઉપયોગી ફીચર્સ આપવામાં આવ્યા છે. ખાસ વાત એ છે કે BaaS પ્રોગ્રામ હેઠળ તેની શરૂઆતની એક્સ-શોરૂમ કિંમત ₹49,999 છે.
TVS Orbiter V1માં મળે છે 86kmની રેન્જ
TVS Orbiter V1માં BLDC હબ મોટર આપવામાં આવી છે, જેની નૉમિનલ અને પીક પાવર 1.8kW છે. આ સ્કૂટરનો પીક ટોર્ક 30Nm છે. કંપનીના દાવા પ્રમાણે તેની ટોપ સ્પીડ 68kmph છે અને તે 0થી 60kmphની સ્પીડ માત્ર 6.8 સેકન્ડમાં પકડી શકે છે. તેમાં બે રાઇડિંગ મોડ્સ અને ઓટોમેટિક ટ્રાન્સમિશન આપવામાં આવ્યા છે. સ્કૂટરની ક્લેમ્ડ રેન્જ 86 કિમી છે.
કનેક્ટિવિટી સહિત ઘણા ફીચર્સ
ફીચર્સની વાત કરીએ તો TVS Orbiter V1માં ડિજિટલ LCD ક્લસ્ટર આપવામાં આવ્યું છે. કનેક્ટિવિટી માટે TVS Connect એપ અને Bluetooth સપોર્ટ મળે છે. તેમાં ટર્ન-બાય-ટર્ન નેવિગેશન, કોલ અને SMS એલર્ટ, વ્હીકલ હેલ્થ અલર્ટ, લાઇવ લોકેશન અને જિયો-ફેન્સિંગ જેવી સુવિધાઓ મળે છે. આ ઉપરાંત OTA અપડેટ્સની સુવિધા પણ આપવામાં આવી છે.
સ્કૂટરમાં USB ચાર્જિંગ પોર્ટ, Distance-to-Empty ઇન્ડિકેટર, લો-બેટરી ઇન્ડિકેટર, કી શટર લોક અને કેરી હૂક જેવી ડેલી યુઝમાં કામ આવતી સુવિધાઓ પણ મળે છે.
સસ્પેન્શન અને બ્રેકિંગ
TVS Orbiter V1માં લાઇટવેઇટ અર્બન એજાઇલ ચેસિસ આપવામાં આવી છે. આગળ ટેલિસ્કોપિક સસ્પેન્શન અને પાછળ ડ્યુઅલ શોક એબ્સોર્બર મળે છે. બ્રેકિંગ માટે આગળ અને પાછળ બ્રેક સાથે Combined Braking System આપવામાં આવ્યું છે. તેમાં એલોય વ્હીલ્સ મળે છે, જ્યારે આગળ 90/80-14 અને પાછળ 90/90-12 સાઇઝના ટાયર આપવામાં આવ્યા છે.
₹49,999માં કેવી રીતે મળશે?
TVS Orbiter V1માં 1.8kWh બેટરી આપવામાં આવે છે. BaaS એટલે કે Battery-as-a-Service પ્રોગ્રામ હેઠળ બેટરીનું ભાડું અલગથી ચૂકવવાનું હોય છે. આ પ્રોગ્રામ સાથે સ્કૂટરની શરૂઆતની એક્સ-શોરૂમ કિંમત ₹49,999 છે. જ્યારે સ્ટાન્ડર્ડ વેરિઅન્ટની એક્સ-શોરૂમ કિંમત ₹84,500થી ₹1,00,650 સુધી છે.