તહેવારોની સીઝનમાં અને ખાસ કરીને દીવાળીના સમયમાં હવામાં પ્રદુષણનું પ્રમાણ એકાએક વધી જતું હોય છે. જેથી કરીને લોકોમાં યોગ્ય પ્રમાણમાં શ્વાસ નઈ લઈ શકવાની સમસ્યા જોવા મળતી હોય છે.
હવાનાં પ્રદુષણનાં કારણે લોકોમાં શ્વાસ સંબધિત તથા ફેફડાની સમસ્યાઓ જોવા મળતી હોય છે. પ્રદુષણનું પ્રમાણ વધવાથી લોકોમાં આ સમસ્યાઓને લઈને ફરિયાદો ઉભી થાય છે.
હવાનાં પ્રદુષણનાં પ્રભાવની તમારા શરીર પર ઓછી કરવા તમે કેટલાક યોગાસન રોજિંદા જીવનમાં સામેલ કરી શકો છો. યોગાસન શ્વાસ સંબધિત સમસ્યાઓથી છૂટકારો મેળવવા માટેનો શ્રેષ્ઠ ઉપાય છે.
ફેફડાઓને સ્વચ્છ રાખવા માટે કપાલભાતિ કરવામાં આવે છે. નિયમિતપણે કપાલભાતિ કરવાથી બ્લડ સર્ક્યુલેશનમાં સુધારો થાય છે.
હવાનાં પ્રદુષણથી પોતાના શરીરને બચાવવા માટે તમે ભસ્ત્રિકા પણ કરી શકો છો. ભસ્ત્રિકા ફેફડા સંબધિત સમસ્યાઓને દૂર કરે છે આ સાથે વધેલી પેટની ચરબી ઘટાડે છે.
ચક્રાસનને નિયમિતપણે કરવાથી ફેફડાઓ સ્વસ્થ રહે છે, સાથે શરીરને અન્ય ઘણા બધા ફાયદા મળે છે.
સૂર્યનમસ્કાર કરવાથી શરીરને અનેક સ્વાસ્થ્ય સંબધિત લાભો થાય છે. જો તમે શ્વાસ સંબધિત કોઈપણ સમસ્યાનો સામનો કરી રહ્યા છો તો તમારે સૂર્યનમસ્કારને તમારા રોજિંદા જીવનમાં ચોક્કસથી સામેલ કરવું જ જોઈએ.