આ વર્ષે હોળી 8 માર્ચના દિવસે ઉજવવામાં આવશે. હોળીના દિવસે ભાંગનું સેવન ઘણાં લોકો કરે છે, આજે આપણે જાણીશું કે હોળીના દિવસે ભાંગ કેમ પીવામાં આવે છે.
હિન્દુ ધર્મમાં ભાંગનો ઉલ્લેખ ઘણી જગ્યાએ કરવામાં આવ્યો છે. ઘણાં લોકો ભાંગને ભગવાન શિવ સાથે જોડે છે તો ઘણાં લોકો નશા માટે પીવે છે.
કહેવાય છે કે સમુદ્ર મંથન દરમિયાન ભગવાન શિવે વિષને ગળાથી નીચેના ભેગા નહોંતું ઉતાર્યું. વિષ ખૂબ જ ગરમ હતું, જેના કારણે શિવજીને ગરમી થવા લાગી અને તેઓ કૈલાશ પર્વત ઉપર જતા રહ્યાં.
વિષની ગરમીને ઓછી કરવા માટે શિવજીએ ભાંગનું સેવન કર્યું. કહેવાય છે કે ભગવાન શિવને ભાંગનો સ્વાદ ખૂબ જ પસંદ પડ્યો અને ત્યારથી પૂજામાં ભાંગનો ઉપયોગ થવા લાગ્યો.
ભક્ત પ્રહલાદને બચાવવા માટે ભગવાન વિષ્ણુજીએ નરસિંહનો અવતાર લીધો અને ભગવાન શિવે શરભ અવતાર લીધો. ત્યારથી જ પ્રસાદના રૂપમાં ભાંગ પીવાની પરંપરા શરૂ થઇ હતી.
હિન્દુ ધાર્મિક માન્યતા પ્રમાણે હોળીના દિવસે ભગવાન શિવ અને વિષ્ણુની મિત્રતાના પ્રતીક સ્વરૂપ ભાંગનું સેવન કરવાની પરંપરા છે.
એવું કહેવામાં આવે છે કે ભાંગ વગર શિવજીની પૂજા અધૂરી છે. શિવજીની પૂજામાં ભાંગની સાથે ધતૂરો અને બિલિપત્ર અર્પણ કરવાથી ભગવાન શિવ પ્રસન્ન થાય છે.
હોળીના દિવસે નાસ્તમાં ઘુઘરા, ફરસાણ, સ્વીટની સાથે ભાંગની ઠંડાઇ પણ લેવામાં આવે છે.