દોડવું એક જરૂરી વર્કઆઉટ છે. બાળકથી માંડીને વૃદ્ધો સુધી દોડીને પોતાનું સ્વાસ્થ્ય તંદુરસ્ત રાખી શકે છે.
જો કે દોડતા પહેલા કેટલીક બાબતોનું અચૂક ધ્યાન રાખવું જરૂરી છે, નહીંતર તમને નુક્સાન થઈ શકે છે. તો ચાલો જાણીએ...
જ્યારે પણ દોડવું હોય, ત્યારે જૉગિંગ પાર્કમાં જ જાવ. જ્યાં દોડવા માટે ખાસ લાઈન હોય છે.
સીધા રસ્તા પર દોડવાની જગ્યાએ ગોળ લાઈનમાં દોડવાથી શરીર એક ફ્લોમાં રહે છે અને ક્યાંય બ્રેક નથી લેવો પડતો.
જો તમે એકલા દોડવા જતા હોવ, તો કોઈ આઈડી પ્રૂફ તમારી પાસે રાખવાનું ના ભૂલશો. કોઈ ઈમરજન્સીમાં તે ખૂબ જ કામમાં આવે છે.
દોડતા પહેલા આરામદાયક શૂઝ પહેરો અને તેની દોરી સારી રીતે બાંધો. જેથી ક્યાયા પગ ફસાઈને પડવાની સંભાવના ના રહે.
જ્યારે પણ દોડવા જાવ, ત્યારે ઈયર ફોન ના લગાવશો, કારણ કે ઈયર ફોન લગાવવાથી પાછળથી આવી રહેલી ગાડીના હોર્ન તમને નહીં સંભળાય. જેનાથી અકસ્માતનો ખતરો વધી જાય છે.
સવારના પહોરમાં કૂતરા પણ પાછળ પડે છે. જેનો અવાજ પણ તમને નહીં સંભળાય અને તમે અકસ્માતનો ભોગ બની શકો છો.