છોલે-ભટૂરે ભાત અથવા પુરી સાથે ખાઈએ તો ટેસડો પડી જાય. જો કે અચાનક છોલે ખાવાનું મન થઈ જાય તો, તેને પલાળ્યા વિના કેવી રીતે બનાવવા? આ પ્રશ્નની ચિંતા છોડો..આમે અમે આપને જણાવીશું કે, પલાળ્યા વિના છોલે કેવી રીતે બનાવાય..
1 કપ- પલાળેલા ચણા, 2 ડુંગણી ઝીણી સમારેલી, 2 ટામેટા કાપેલા, 3-4 લીલા મરચા સમારેલા, 1 ચમચી કોથમીર ઝીણી સમારેલી, અડધી ચમચી બેકિંગ સોડા, અડધી ચમચી હળદર, 1 ચમચી જીરું, મીઠું સ્વાસ પ્રમાણે
જો તમે છોલેને રાતે પાણીમાં પલાળવાનું ભૂલી ગયા હોવ તો તરત જ ગરમ ઉકળતા પાણીમાં છોલને નાંખીને અડધા કલાક માટે છોડી દો
ત્યાં સુધીમાં તમે ડુંગળી, ટામેટા અને કોથમિર સમારીને રાખી દો. હવે એક કુકરમાં છોલેની સાથે થોડું મીઠું અને સોડા નાંખીને 4-5 સિટી વાગવા દો
આમ કરવાથી છોલે પાકી જશે. હવે તમે તેને કડાઈમાં બનાવી શકો છો. જો કે અહીં એક વાતનું ધ્યાન રાખશો, જો છોલે બરાબર પાક્યા ના હોય, તો ફરીથી પાછા તેને કુકરમાં જ બનાવો.
કુકરમાં તેલ નાંખો અને પછી વગાર કરીને ડુંગળી, લીલા મરચાને સાંતળી લો. ડુંગળી શેકાઈ જાય તે પછી તેમાં આદુ અને લસણની પેસ્ટ મિક્સ કરો.
હવે તેમાં ટામેટા નાખો અને તેમાં મીઠું, હળદર ઉપરાંત જરુરિયાત મુજબના મસાલા મિક્સ કરો. થોડીવાર મસાલાને બરાબર મિક્સ થવા દીધા બાદ તેમાં છોલે નાંખો અને મિક્સ થવા દો.
હવે તેમાં જરૂરિયા પ્રમાણે પાણી ઉમેરો અને આ સાથે જ કોથમીર મિક્સ કરીને 3-4 સિટી વાગવા દો. જેથી છોલે સૉફ્ટ થઈને ખાવા લાયક તૈયાર થઈ જશે.