આપણે ઘણી પ્રકારના ભજીયા જોયા કે ખાધા હશે, પરંતુ આજે આપણે અલગ પ્રકારની રેસીપી બનાવીશું, જે ખાવામાં એકદમ ટેસ્ટી બનશે.
ટામેટાં,ચણાનો લોટ,કોથમીર,લીલા મરચા,લસણ,આદુ,અજમો,કાળું મીઠું,જીરું પાવડર,કસૂરી મેથી,સેવ,સ્વાદ પ્રમાણે મીઠું.
સૌ પ્રથમ લીલા મરચા અને કોથમરીને મિક્સરમાં નાખીને ચટણી બનાવી લો.
ટમેટાને ધોઈને ગોળ અને પાતળી સાઈઝની પતીકા બનાવી લો.
હવે એક બાઉલમાં ચણાનો લોટ,અજમો,કસૂરી મેથી,મીઠું,હળદર,ઉમેરીને મિક્સ કરી લો.
હવે તેમાં થોડુ થોડુ પાણી ઉમેરો પછી ઈનો અને એક ચમચો ગરમ તેલ ઉમેરીને મિક્સ કરી બેટર તૈયાર કરી લો.
હવે ટમેટાના પતીકા પર લીલી ચટણી લગાવીને બેટરમાં ડુબાડી દો.
હવે એક કડાઈમાં ગરમ તેલ કરીને તેને તળી લો.
તૈયાર છે ટમેટાના ભજીયા તમે તેને ચટણી સાથે ગરમા ગરમ સર્વ કરી શકો છો.
રેસીપી ગમે તો લાઈક-શેર કરો અને આવી વધુ રેસીપી માટે ગુજરાતી જાગરણ વાંચતા રહો.