ખાંડવી એક ગુજરાતી વાનગી છે. આ ટેસ્ટી નાસ્તો મોટાભાગના લોકોને બહુ ભાવે છે. ખાંડવીને ઘરે બનાવી ખૂબ જ સરળ છે.અહીં તેની રેસીપી જણાવી રહ્યા છીએ.
ચણાનો લોટ, છાશ, હળદર, મીઠું સ્વાદ મુજબ, ઝીણા સમારેલા આદુ-મરચા, તેલ, રાઈ, હીંગ, તલ, મીઠો લીમડો, કોપરાનું છીણ, ધાણા.
એક બાઉલમાં બેસન, છાશ, હળદર અને મીઠું લો. ગાંઠ ન રહે તે રીતે હેન્ડ બ્લેન્ડરથી બરાબર મિક્સ કરીને ખીરું બનાવો.
જાડા તળિયાવાળી કડાઈમાં આ ખીરું ધીમી આંચે સતત હલાવતા રહો, જેથી ગાંઠ ન પડે અને મિશ્રણ ઘટ્ટ થાય (બેસનનો કાચો સ્વાદ દૂર થાય). આમાં લગભગ 8-10 મિનિટ લાગી શકે છે.
તેલ લગાવેલી એક મોટી થાળીને ઊંધી કરીને તેની સપાટી પર તેલ લગાવી લો. તૈયાર ઘટ્ટ ખીરાને ચમચા વડે પાથરીને એક પાતળું લેયર બનાવો. જરૂર પડે તો 2-3 થાળીમાં આ રીતે ખીરું પાથરી દો.
તેને 3-4 મિનિટ ઠંડુ થવા દો. પછી ચાકુ વડે 2 ઇંચ પહોળી પટ્ટીઓ કાપો.
દરેક પટ્ટીને ધ્યાનથી વાળીને રોલ (સ્વિસ રોલની જેમ) બનાવો.
એક નાની કડાઈમાં તેલ ગરમ કરો, તેમાં રાઈ, જીરું, લીમડો, લીલા મરચાં નાખી વઘાર તૈયાર કરો.
આ વઘાર ખાંડવીના રોલ પર રેડો. ઉપરથી છીણેલું નારિયેળ અને કોથમીર ભભરાવી લીલી ચટણી કે લસણની ચટણી સાથે ગરમાગરમ પીરસો.
અવનવી રેસીપી માટે ગુજરાતી જાગરણ વાંચતા રહો.