ફરસાણની દુકાન જેવા જ સોફ્ટ અને ટેસ્ટી ગાંઠીયા તમે ઘરે પણ બનાવી શકો છો. નોંધી લો પાપડી ગાંઠીયા બનાવવાની રેસીપી.
ચણાનો લોટ, તેલ, પાણી, મીઠું, અજમો, બેકિંગ સોડા.
સૌપ્રથમ એક બાઉલમાં તેલ, પાણી ઉમેરીને ગ્લેન્ડરથી વલોવી લો.
હવે તેમાં સ્વાદ પ્રમાણે મીઠું, અજમો અને બેકિંગ સોડા નાખીને સારી રીતે મિક્સ કરી લો.
હવે તેમાં ચણાનો લોટ નાખીને હાથથી સારી રીતે મિક્સ કરી પાપડી ગાંઠીયાનો લોટ બાંધો.
હવે એક સંચો લઈ તેને તેલથી ગ્રીસ કરી લોટમાંથી થોડો લોટ સંચાની અંદર ભરો.
હવે એક કડાઇમાં તેલ ગરમ કરી સંચાની મદદથી પાપડી ગાંઠીયા પાડીને તળીને ઝારાની મદદથી બહાર એક ડીશમાં લઇ લો.
તૈયાર છે પાપડી ગાંઠીયા, તમે તેને કઢી, મરચું, ડુંગળી કે ચા સાથે સર્વ કરી શકો છો.