નવરાત્રીના પ્રસાદમાં તમે બૂંદી, ચણાનો લોટ, ઘઉં લોટના લાડુ ટ્રાય કર્યા હશે પરંતુ આજે અમે તમે સૂકા નારિયેળના કોપરાના લાડુ બનાવવાની રીત જણાવીશું.
250 ગ્રામ નારિયેળ પાવડર,1 નાનો કપ દૂધ,6 ચમચી ખાંડ,2 ચમચી ઘી,1 ચમચી એલચી પાવડર.
સૌ પ્રથમ એક કડાઈમાં નારિયેળના કોપરાનું ખમણ નાખીને થોડી વાર શેકી લો.
થોડું શેકાઈ જાય એટલે તેમાં દૂધ નાખીને ચમચા વડે હલાવતા રહો.
દૂધ સંપૂર્ણપણે બળી જાય એટલે ખાંડ ઉમેરીને ઓગાળીને મિક્સ કરી લો.
ચાસણી સંપૂર્ણપણે સોસાઈ ન જાય ત્યાં સુધી હલાવો પછી તેમાં ઘી,એલચી પાવડર નાખીને બરાબર મિક્સ કરી લો.
થોડું ઠંડું થાય પછી લાડુ બનાવીને માતાજીને પ્રસાદ અર્પણ કરીને સર્વ કરી શકો છો.
રેસીપી ગમે તો લાઈક-શેર કરો અને આવી યુનિક રેસીપી માટે ગુજરાતી જાગરણ વાંચતા રહો.