શરદી અને ઉધરસના કારણે છાતીમાં કફ જમા થઈ જાય છે. જેના પરિણામે ઘણાં લોકોને શ્વાસ લેવામાં તકલીફ થાય છે. જો તમે પણ આ સમસ્યામાંથી મુક્તિ મેળવવા માંગતા હોવ, તો આ ઘરગથ્થુ નુસખો અજમાવી શકો છો.
ફેફસાને મજબૂત કરવા અને કફમાંથી મુક્તિ મેળવવા માટે દરરોજ અનુલોમ-વિલોમ અને કપાલભાતિ કરી શકો છો.
છાતીમાં જામેલા કફને ઓછો કરવા માટે હર્બલ ચા પીવાથી ફાયદો થઈ શકે છે. આ સાથે જ તેમાં આદુ, તુલસી અને મધ મિક્સ કરી શકો છો.
જો તમે ગરમ પાણીથી નાસ લો, તો પણ છાતીમાં જામેલો કફ બહાર નીકળવામાં મદદ મળી શકે છે.
છાતીમાં જામેલા કફથી જલ્દી રાહત મેળવવા માટે સરસિયામાં લસણને સાંતળીને તેના ગરમ તેલથી છાતી પર માલિશ કરવી જોઈએ.
જો તમે હુંફાળા પાણીમાં મીઠું ઉમેરીને કોગળા કરો, તો તેનાથી પણ ગળામાં અને છાતીમાં જામેલો કફ ઓછો થવામાં અને ચેપથી રાહત મળી શકે છે.
જો તમને લાંબા સમયથી કફ સબંધિત સમસ્યા રહેતી હોય, તો એક વખત તબીબની સલાહ અચૂક લેવી જોઈએ.