કરિશ્મા કપૂરના પૂર્વ પતિ સંજય કપૂરના અચાનક અવસાનથી અભિનેત્રી અને તેના બાળકોને આઘાત લાગ્યો છે. તેમના અવસાનથી સમગ્ર પરિવારમાં શોકની લહેર છવાઈ ગઈ છે.
આ દરમિયાન તેમનો આખો પરિવાર, ભૂતપૂર્વ પત્ની કરિશ્મા કપૂર અને તેમના બે બાળકો હાજર હતા. કરિશ્મા સાથે, તેમની બહેન કરીના કપૂર અને સૈફ અલી ખાન પણ હાજર હતા, જેમણે સંજય કપૂરને અંતિમ વિદાય આપી.
આ દરમિયાન કરીના અને સૈફના ચહેરા પર દુ:ખ સ્પષ્ટ દેખાઈ રહ્યું હતું. કરીના તેની બહેનના પૂર્વ પતિના મૃત્યુથી દુ:ખી દેખાતી હતી. પરંતુ તે જ સમયે, તે તેની બહેન અને તેના પરિવાર સંભાળતી જોવા મળી હતી.
સંજય કપૂરને અંતિમ વિદાય આપતી વખતે કરીના પણ ભાવુક થઈ ગઈ હતી. તેનો વીડિયો સોશિયલ મીડિયા પર વાયરલ થઈ રહ્યો છે, જેમાં તે અંતિમ સંસ્કારમાંથી બહાર આવતી વેળાએ તે રડતી નજરે પડે છે.
કરીનાની સાથે કરિશ્મા પણ તેના ભૂતપૂર્વ પ્રેમીના મૃત્યુ પછી ભાંગી પડી હતી. પિતાને ગુમાવ્યા પછી અભિનેત્રીના પુત્રની આંખો પણ આંસુઓથી ભરાઈ ગઈ હતી. તેનો વીડિયો પણ સોશિયલ મીડિયા પર વાયરલ થયો હતો.
તમને જણાવી દઈએ કે, સંજય કપૂરના ત્રણ લગ્ન થયા હતા. તેમના પહેલા લગ્ન ફક્ત 4 વર્ષ ટક્યા હતા. ત્યારબાદ તેમણે 2003માં કરિશ્મા કપૂર સાથે લગ્ન કર્યા. તેમના લગ્ન 13 વર્ષ સુધી ચાલ્યા.
જે બાદ 2016માં છૂટાછેડા આપ્યા પછી, સંજય કપૂરે 2017માં પ્રિયા સચદેવ સાથે ત્રીજા લગ્ન કર્યા. તેમને કરિશ્માથી બે બાળકો છે, એક પુત્ર અને એક પુત્રી.