મધ ચહેરાની સમસ્યા દૂર કરવા ખૂબ લાભદાયક છે. મધનો ચહેરા પર ઉપયોગ કરવાથી તેની ઘણી સમસ્યાનું નિરાકરણ લાવી શકાય છે.
પોષકતત્વોથી ભરપુર મધ ચહેરાની ઘણી સમસ્યાને દૂર કરે છે. આમાં પ્રોટીન, કાર્બસ, સોડિયમ, અને ફાઈબર જેવા પોષકતત્વો છે જે ચહેરા માટે ફાયદાકારક છે.
મધનો ઉપયોગ ચહેરાના સ્વાસ્થ્ય માટે ઘણો લાભદાયક બની રહે છે. ચાલો જાણીએ મધનો કેવી અલગ અલગ રીતે ઉપયોગમાં લઈ શકાય છે.
આ સમસ્યાથી ઘણાં લોકો પીડાય છે, ખાસ કરીને યુવાનો. આને દૂર કરવા તજના પાવડરમાં મધ રેડી, તેની પેસ્ટ બનાવીને રાત્રે લગાવી લેવું, અને સવારમાં ચહેરાને હુંફાળા પાણીથી ધોઈ લેવું. આનાથી તમે ખીલ જેવી સમસ્યાથી રક્ષણ મેળવી શકો છો.
બહારના ઘૂળ અને પ્રદુષણથી ચહેરા પર ગંદકી જામી જાય છે, આને દૂર કરવા મધનો ઉપયોગ કરી શકાય છે. મઘ, દૂધ, લીંબુનો રસ અને બદામના તેલને મિક્સ કરીને પેસ્ટ બનાવી લો. આ પેસ્ટને ચહેરા પર લગાવી લગભગ 20 મિનીટ સુધી રહેવા દો. ત્ચારપછી ચોખ્ખા પાણીથી ધોઈ નાખો, તમારો ચહેરો ખીલી ઉઠશે.
મધમાં બેસન, મલાઈ અને ગુલાબના તેલની પેસ્ટ બનાવીને લગાવાથી ચહેરો મુલાયમ અને નરમ બને છે.
મધથી ચહેરા પરના વાળની સમસ્યાનું નિરાકરણ પણ લાવી શકાય છે. 1 ચમચી મધમાં, ખાંડ અને લીંબુનો રસ ઉમેરી તેની પેેસ્ટ બનાવી લો, આને માઈક્રોવેવમાં થોડું ગરમ કરી લો. આ પેસ્ટને જ્યાં વાળ છે ત્યાં લગાવો, હવે તેની ઉપર સાફ કપડું મુકીને તેને વિપરીત દિશામાં ખેંચો, આનાથી ચહેરા પરના વાળ દૂર થઈ જશે.