શિયાળાની ઋતુમાં ધાબળા દરેક માટે જરૂરી છે. લગભગ દરેક ઘરના કબાટમાં ધાબળાનો ઢગલો જોવા મળશે.
કેટલાક ધાબળા કે જૂના બ્લેન્કેટ રોજિંદા ઉપયોગમાં લેવાતા ન હોવાથી તે વણવપરાયેલા રહે છે. જે ધાબળા આપણે વાપરતા નથી તેને ફેંકી દેવાને બદલે તેનો ફરીથી ઉપયોગ કરી શકાય છે, ચાલો જાણીએ.
બ્લેન્કેટની સંપૂર્ણ કિંમત વસૂલ કરવા માટે તમે જૂના ધાબળાનો ઉપયોગ કરીને પોકેટ ઓર્ગેનાઈઝર, કુશન અથવા કુશન કવર બનાવી શકો છો.
જૂના ધાબળાની મદદથી સરળતાથી સુંદર બેગ બનાવી શકો છો? તમે બ્લેન્કેટને યોગ્ય રીતે બેગના આકારમાં કટીંગ કરો અને પછી તમે તમારી પસંદગી મુજબ માળા,સાંકળો કે અન્ય સજાવટ ઉમેરીને તેને આકર્ષક બનાવી શકો છો.
સૌથી પહેલા જૂના ધાબળાને એક જ સાઇઝના ત્રણ કે ચાર ગોળાકાર ટુકડા કરી અને તેને સિલાઈ મશીનની મદદથી પાઈપ લગાવીને તૈયાર કરો.
જૂના ધાબળાને તમારી પસંદગીના આકારમાં કાપીને પછી ફેબ્રિકને ચારે બાજુ સ્ટીચ કરીને સીલ કરો અને તેને સ્તર આપો. જો તમે ઇચ્છો તો, તમે તેમાં ઝિપર ઉમેરીને તેને વધુ ઉપયોગી બનાવી શકો છો. આ રીતે સુંદર કુશન કવર તૈયાર કરી શકાય છે.
તમે બિનઉપયોગી પડેલા જૂના ધાબળાનો ઉપયોગ કરીને ડોર મેટ બનાવી શકો છો. તમે જૂના ધાબળામાંથી બનેલી ડોર મેટ્સ ખૂબ જ મજબૂત અને ટકાઉ હોય છે.
આ માટે સૌપ્રથમ ધાબળાને ફોલ્ડ કરો અને તેને ડોરમેટના આકારમાં ચોરસ કાપી પછી, તેને ચારે બાજુ સિલાઇ કરી લો. આ રીતે સુંદર ડોરમેટ તૈયાર કરી શકાય છે.
જીવનશૈલી સંબંધીત આવી વધુ માહિતી માટે ગુજરાતી જાગરણ વાંચતા રહો.