આપણને મસાલેદાર વાનગીઓ ખૂબ ભાવતી હોય છે, પરંતુ એમા જો જરૂરિયાત કરતાં વધુ મસાલો હોય તો સ્વાદ ખરાબ થઈ જાય છે. એમા પણ લાલ મરચુ વધુ પડી જાય તો ભોજન પતાવું જ મુશ્કેલ બની જાય છે. આ સ્ટોરીમાં આપણે કેટલાક ઈઝી હેક્સ વિશે જાણીશું જેનાથી તમે ખોરાકને મસાલેદાર થવા પર બગાડ થતા બચાવી શકો છો. જો ખોરાકમાં લાલ મરચું વધુ પડી ગયું હોય તો આ હેક્સ અજમાવો.
એક ચમચી તેલ લઈ તેમાં એક ચમચી મેદાનો લોટ નાખો, અને થોડીવાર તેને શેકીને પછી તેને શાકમા ઉમેરો. આનાથી મરચાની તીખાશ ઓછી થઈ જશે
જે શાક માં મરચું વધુ પડી ગયું હોય તેમાં લીંબુનો રસ ઉમેરવાથી લાલ મરચાની અસર ઓછી થાય છે અને ભોજનનો સ્વાદ નોર્મલ થઈ જાય છે.
જો શાક ગ્રેવીવાળુ હોય તો ક્રીમ ઉમેરવાથી મરચાની તીખાશ ઘણી ઓછી થઈ જશે. તૈયાર ગ્રેવીમાં એકથી બે ચમચી ક્રીમ ઉમેરીને ધીમી આંચ પર પકાવી લો
જો તમે કોઈ સૂકી વાનગી બનાવી હોય અને તેમાં મરચું વધારે પડી ગયું હોય, ત્યારે તમે મધ અથવા ખાંડનો ઉપયોગ કરીને તીખાશ ઓછી કરી શકો છો.
આવીજ જરૂરી અને મહત્વની માહિતી માટે વાંચતા રહો ગુજરાતી જાગરણ