બટાકા અને ભીંડા એવા બે શાકભાજી છે જેમાંથી સ્વાદિષ્ટ અને વિવિધ પ્રકારના શાક બનાવી શકાય છે.
ભીંડા, બટેટા, ડુંગળી, ટમેટા, આદું, લસણ, જીરું, ગરમ મસાલો, હળદર, લાલ મરચું પાઉડર, ધાણાજીરું, ખાંડ, મીઠું, તેલ.
સૌ પ્રથમ બટાકાની છાલ ઉતારીને સમારી લો અને ભીંડાને પાણીથી બરાબર ધોઈ કપડાંથી સાફ કરીને લંબાઈમાં ટૂકડા કરી લો.
હવે એક પેન તેલ ગરમ કરી બટેટા ઉમેરીને ધીમા તાપે ક્રિસ્પી થાય ત્યાં સુધી પકાવી લો તેવી જ રીતે ભીંડાને પણ ફ્રાય કરીને એક પ્લેટમાં કાઢી લો.
હવે એ જ પેનમાં તેલ ગરમ કરી તેમાં જીરું,ડુંગળી,છીણેલું આદું અને પીસેલું લસણ ઉમેરીને સાંતળી લો.
હવે તેમાં ટમેટા,ગરમ મસાલો, લાલ મરચું પાઉડર, હળદર, ધાણાજીરું, ખાંડ અને મીઠું નાંખો, બરાબર મિક્સ કરો.
હવે તેમાં ફ્રાય કરેલા ભીંડા-બટેટા ઉમેરીને બે મિનીટ પકાવી લો
તૈયાર છે મસાલેદાર ભીંડા-બટાકાનું શાક,તમે સર્વ કરી શકો છો.
રેસીપી ગમે તો લાઈક-શેર કરજો અને આવી યુનિક રેસીપી માટે ગુજરાતી જાગરણ વાંચતા રહો.