નવરાત્રિના ઉપવાસ દરમિયાન રોક મીઠા વાળી વસ્તુઓ ખાઓ છો, તો તમે સાબુદાણાના પરાઠા બનાવી શકો છો, જાણી લો રેસીપી.
સાબુદાણા, બટેટા, શેકેલી મગફળીનો ભૂકો, લીલા મરચા અને આદુની પેસ્ટ, કોથમરી, કાળા મરી પાવડર, દહીં.
સૌ પ્રથમ એક કઢાઈમાં સાબુદાણા નાખી થોડી વાર શેકી પછી તે ઠંડા થાય એટલે એક મિક્સર ગ્રાઇન્ડરમાં નાખીને પાવડર બનાવી લો.
હવે આ પાઉડરને એક બાઉલમાં લો અને તેમાં શેકેલા મગફળીનો પાઉડર અને બાફેલા બટેટાની મેશ ઉમેરો.
હવે તેમાં લીલા મરચાં અને આદુની પેસ્ટ, લીલા ધાણા, કાળા મરી પાવડર, દહીં, મીઠું વગેરે નાખીને રોટલી જેવો લોટ બાંધો.
હવે લોટમાંથી લૂઆ બનાવી તેને રોટલીની જેમ તેને હળવા હાથે જ રોલ આઉટ કરો.
હવે તવાને ગરમ કરી તેમાં ઘી લગાવીને પરાઠાની જેમ શેકી લો.
તૈયાર છે સાબુદાણા પરાઠા, ઉપવાસ દરમિયાન તમે તેને દહીં અને બટાકાના શાક સાથે સર્વ કરી શકો છો.
સાબુદાણામાંથી પરાઠા ઉપરાંત તમે ખીર, કટલેટ, વડા, પુરી વગેરે પણ બનાવી શકો છો.
રેસીપી ગમે તો લાઈક-શેર કરજો અને આવી અન્ય રેસીપી માટે ગુજરાતી જાગરણ વાંચતા રહો.