આ એકદમ નવી રેસીપી છે આ શાક તમે ઘરે અચાનક મહેમાન આવી જાય ત્યારે બનાવીને ખવડાવશો તો મહેમાંનો પણ આંગળા ચાટી જશે.
મકાઈના દાણા,બટર અથવા તેલ, જીરું,લસણ,હળદર,મરચું પાવડર,ડુંગળી,મીઠું,ટમેટાની પ્યુરી,લીલા મરચાની કટકી,આદુની પેસ્ટ,કાજુ,મગસ્તરીના બીજ,મલાઈ,દૂધ,પાણી,ગરમ મસાલો,કસૂરી મેથી,પનીરનો ભુકો,કોથમરી.
સૌ પ્રથમ એક પેનમાં તેલ કે બટર ગરમ કરી તેમાં મકાઈના દાણા બાફીને રોસ્ટ કરી લો.
હવે એ જ પેનમાં તેલ ગરમ કરી તેમાં જીરું,લસણ,હળદર,મરચું પાવડર,ડુંગળી,મીઠું નાખીને મિક્સ કરી લો.
હવે તેમાં ટમેટાની પ્યુરી,લીલા મરચાની કટકી,આદુની પેસ્ટ ઉમેરીને મિક્સ કરી લો.
હવે એક મિક્સર જારમાં કાજુ,મગસ્તરીના બીજ,મલાઈ,દૂધ નાખીને ગ્રાઈન્ડ કરી લો.
હવે તેને ગ્રેવી તૈયાર કરેલ પેનમાં નાખી જરૂર મુજબ પાણી અને બાફેલા મકાઈના દાણા ઉમેરીને મિક્સ કરી લો.
હવે થોડી વાર પકાવીને ઉપર ગરમ મસાલો,કસૂરી મેથી,પનીરનો ભુકો,કોથમરી ગાર્નિશ કરીને સર્વ કરો.
રેસીપી ગમે તો લાઈક-શેર કરજો અને આવી વધુ રેસીપી માટે ગુજરાતી જાગરણ વાંચતા રહો.