નવરાત્રીના તહેવાર દરમિયાન મોટાભાગના લોકો નવ દિવસ ઉપવાસ રાખે છે. આવી સ્થિતિમાં શરીરને હાઇડ્રેટ રાખવું ખૂબ જ જરૂરી છે. ચાલો જાણીએ નવરાત્રી દરમિયાન હાઈડ્રેટ રહેવા માટે શું પીવું જોઈએ?
વિટામિન Cથી ભરપૂર સંતરા ખાવાથી શરીરમાં પાણીની ઉણપ નથી થતી. તમે તેનું જ્યુસ બનાવીને ઉપવાસ દરમિયાન લઈ શકો છો. તેનાથી શરીરને એનર્જી તો મળશે જ પરંતુ ડિહાઇડ્રેશનની સમસ્યા પણ દૂર થશે.
વિટામિન C, પોટેશિયમ, મેગ્નેશિયમ, ફાઈબર વગેરે તત્વોથી ભરપૂર નારિયેળનું પાણી પીવાથી શરીરમાં રહેલા ઝેરી તત્વો બહાર નીકળી જાય છે અને શરીરમાં પાણીની કમી નથી થતી.
લીંબુ પાણી શરીરમાં પાણીની ઉણપને દૂર કરવા માટે ખૂબ જ અસરકારક છે. ઉપવાસ દરમિયાન તમે તેમાં ખાંડ ઉમેરીને તેને શરબત તરીકે પણ લઈ શકો છો, તેનાથી નબળાઈની સમસ્યાથી રાહત મળશે.
તરબૂચનું જ્યુસ શરીરને હાઇડ્રેટ રાખે છે. વાસ્તવમાં તેમાં રહેલા પોષક તત્વો પાણીની ઉણપને પૂરી કરવા ઉપરાંત એનર્જી આપવામાં મદદરૂપ થાય છે.
ઉપવાસ દરમિયાન શરીરમાં ડીહાઈડ્રેશન ન થાય તે માટે તમે દાડમનું જ્યુસ પણ પી શકો છો. આનાથી ન માત્ર શરીર હાઈડ્રેટ રહેશે પરંતુ નબળાઈની સમસ્યા પણ દૂર થશે.
તમે કેળામાં ડ્રાય ફ્રૂટ્સ અને દૂધ મિક્સ કરીને શેક બનાવી શકો છો. ઉપવાસ દરમિયાન તેને પીવાથી ન માત્ર શરીર હાઇડ્રેટ રહે છે પરંતુ સંપૂર્ણ પોષણ મળે છે અને પેટ પણ ભરેલું રહે છે.
આ બધા સિવાય તમે પાઈનેપલ જ્યુસ, કાકડીનો જ્યુસ અથવા કાકડી સાથે ફ્રુટ્સ મિક્સ કરીને સલાડની જેમ ખાઈ શકો છો. તેમજ પુષ્કળ પાણી પીવાનું રાખો.
જો તમે પણ નવરાત્રીનું વ્રત રાખો છો તો આ વાતોનું ધ્યાન રાખો, આવી અન્ય માહિતી માટે ગુજરાતી જાગરણ વાંચતા રહો.