કાનની અંદર જામી ગયેલ મેલને દૂર કરવા માટે તમે કેટલાક ઘરેલું નુસખા અજમાવી શકો છો, જેની મદદથી તમારા કાનનો મેલ સરળતાથી બહાર આવી જશે.
કાનનો મેલ સાફ કરવા માટે બદામના તેલનો ઉપયોગ કરી શકો છો. આ માટે કાનમાં તેલના એક-બે ટીપાં નાખો. પાંચ મિનિટ પછી કાન સાફ કરો.
તમે કાનનો મેલ સાફ કરવા માટે સરસવ,ઓલિવ અને નારિયેળનું તેલનો ઉપયોગ કરી શકો છો.
તમારા કાનમાં બેબી ઓઈલના 3 થી 4 ટીપાં નાખીને તેને રૂંથી બંધ કરી દો અને 5 મિનિટ પછી રૂં કાઢી લો. તેનાથી ઈયરવેક્સ આપોઆપ બહાર આવે છે.
તમે કાનનો મેલ સાફ કરવા માટે એપલ સીડર વિનેગર અને હાઇડ્રોજન પેરોક્સાઇડનો પણ ઉપયોગ કરી શકો છો. પરંતુ તેનો ઉપયોગ કરતા પહેલા ડૉક્ટરની સલાહ લેવી જરૂરી છે.
તમે હૂંફાળું પાણી રૂની મદદથી કાનની અંદર નાખીને થોડીક સેકન્ડ સુધી રાખ્યા બાદ કાન ફેરવીને પાણી બહાર કાઢી લો.
સૌપ્રથમ ડુંગળીને શેકીને તેનો રસ કાઢીને પછી રૂની મદદથી કાનની અંદર થોડા ટીપાં નાખો. આનાથી કાનમાંથી ગંદકી સરળતાથી નીકળી જશે.
સ્નાન કર્યા પછી તમે તમારા કાનને સુતરાઉ કપડા વડે કાનની અંદર અને બહાર ઘસીને સાફ કરો.
જીવનશૈલી સંબંધિત તમામ સમાચાર માટે ગુજરાતી જાગરણ વાંચતા રહો.