વાળ તમારી સુંદરતામાં ભલે વધારો કરતા હોય પરંતુ તેની કાળજી કરવી સરળ નથી. આજે અમે તમને એવા ઘરેલું ઉપાયો વિશે જણાવીશું જે તમારા વાળને વધુ સિલ્કી અને ચમકદાર બનાવશે.
બદામમાં ભરપૂર માત્રામાં પોષક તત્વો હોય છે, શેમ્પૂ કરતા પહેલા હૂંફાળું બદામનું તેલ લગાવો. તેલ લગાવ્યાના અડધા કલાક પછી જ શેમ્પૂ કરો.
નારિયેળનું તેલ વાળને મૂળસુધી મોઇશ્ચરાઇઝ કરવા માટે ખૂબ જ ઉપયોગી માનવામાં આવે છે. તેને સહેજ ગરમ કરો અને અડધા કલાક સુધી વાળમાં લગાવો અને 30 મિનિટ પછી વાળ ધોઈ લો.
1 ચમચી એલોવેરા અને 1 ચમચી દહીંને સારી રીતે મિક્સ કરીને માસ્ક બનાવો. 5 મિનિટ આનાથી માથાની મસાજ કરો અને 10 મિનિટ પછી શેમ્પૂથી વાળ ધોઈ લો.
એપલ સાઇડર વિનેગર વાળની શુષ્કતા દૂર કરવામાં પણ ઉપયોગી થઈ શકે છે. 2 કપ પાણીમાં 2 ચમચી વિનેગર મિક્સ કરો અને શેમ્પૂ કર્યા પછી તમારા વાળને સામાન્ય પાણીથી ધોઈ લો.
એક પાકેલા કેળામાં 2 ચમચી મધ અને થોડું નારિયેળ તેલ મિક્સ કરો. હવે આ મિશ્રણને વાળમાં અડધો કલાક લગાવીને ધોઈ લો. આમ કરવાથી તમને વાળની શુષ્કતાથી જલ્દી રાહત મળશે.
તમારા વાળની લંબાઈ અનુસાર એક કપ પાણીમાં મધ મિક્સ કરો. આ મિશ્રણ લગાવ્યાના અડધા કલાક પછી તમારા વાળને શેમ્પૂ કરો.
આજકાલ બીયર શેમ્પૂ અને બીયર ઓઈલનો પણ વાળ પર ઉપયોગ થાય છે. તેનાથી વાળ સિલ્કી અને ચમકદાર પણ બની શકે છે. જો કે, આ ઉપાયો અજમાવતા પહેલા વાળના નિષ્ણાતની સલાહ લેવી ફરજિયાત છે.
જીવનશૈલી સંબંધિત તમામ સમાચાર માટે ગુજરાતી જાગરણ વાંચતા રહો.