ઘરેલું ઘી ભારતીય રસોઈની ખાસિયત છે, જે સ્વાસ્થ્ય માટે ફાયદાકારક અને સ્વાદિષ્ટ માનવામાં આવે છે. જો તમે બજારમાં મળતા ભેળસેળયુક્ત ઘી ન લાવીને, શુદ્ધ દાણાદાર ઘી ઘરે જ બનાવવા માંગો છો, તો આ સરળ અને ઝડપી ઘી બનાવાની રીત નોંધી લો.
રેફ્રિજરેટરમાંથી ક્રીમને બહાર કાઢો અને ઓરડાના તાપમાને લાવો. ક્રીમમાં 1 ચમચો દહીં ઉમેરો અને મિક્સ કરી તેને એક કલાક માટે ઢાંકી રાખો.
ક્રીમમાં 1 કપ ગરમ પાણી ઉમેરો અને 5-6 મિનિટ સુધી હલાવો આમ છાશ અને માખણ અલગ થશે. માખણમાંથી વધુ પાણી કાઢી લો.
પ્રેશર કૂકરમાં થોડું પાણી રેડી પછી તેમા માખણ ઉમેરો અને તેમાં એક ચપટી સોડા મિક્સ કરો. કૂકરને મિડિયમ આંચ પર એક સીટી વાગે ત્યાં સુધી પકાવો.
ગેસ બંધ કરો અને કૂકરનો પ્રેશર હવા નીકળી જાય પછી ઢાંકણ ખોલો. કૂકરમાં રહેલા મિશ્રણને હલાવતા રહો. ઘીનો રંગ સોનેરી થાય ત્યારે ગેસ બંધ કરી દો.
તૈયાર ઘીને કાચના વાસણમાં ભરો. ઠંડું થાય પછી, તે ખાવા માટે તૈયાર છે. આ રીતે, તમે સરળ અને ઝડપી રીતે ઘરમાં જ શુદ્ધ દાણાદાર ઘી બનાવી શકો છો.