અમેરિકામાં બોન્ડ પર મળતા વળતરનું પ્રમાણ વધતા, ડોલર મજબૂત થતા અને આર્થિક વૃદ્ધિને લગતી ચિંતા વધતા વિદેશી પોર્ટફોલિયો રોકાણકારો (FPI)એ સપ્ટેમ્બર મહિનાના પ્રથમ પખવાડિયામાં શેરબજારમાંથી આશરે રૂપિયા 4,800 કરોડનું રોકાણ પાછું ખેંચ્યું છે.
આ અગાઉ FPIએ માર્ચ મહિનાથી ઓગસ્ટ દરમિયાન સતત છ મહિના સુધી શેરબજારમાં ચોખ્ખી ખરીદી કરી હતી. તે સમયે રૂપિયા 1.74 લાખ કરોડનું જંગી રોકાણ કરવામાં આવ્યું હતું.
બજારના નિષ્ણાતોનું માનવું છે કે આગામી દિવસોમાં FPI ચોખ્ખી વેચવાલી કરી શકે છે, કારણ કે મૂલ્યાંકન વિક્રમજનક સ્તરે પહોંચી ગયું છે. યુએસ બોન્ડ પરનું વળતર 10 વર્ષ માટે 4.28 ટકા થઈ ગયું છે.