ડેન્ડ્રફની સમસ્યાને દૂર કરવા માટે લીંબુના રસનો ઉપયોગ કરવો ખૂબ જ ફાયદાકારક છે. સરસવ અથવા નારિયેળના તેલમાં એક લીંબુને સારી રીતે નિચોવી લો. આ તેલથી સ્કેલ્પ પર હળવા હાથે મસાજ કરો અને થોડી વાર પછી વાળને સારી રીતે ધોઈ લો. અઠવાડિયામાં બે વાર આ ઉપાયો અજમાવો. તમને ચોક્કસ ફાયદો થશે.
ટી ટ્રી ઓઈલમાં એન્ટીબેક્ટેરિયલ અને એન્ટિવાયરલ ગુણ હોય છે. તેથી ડેન્ડ્રફની સમસ્યાને દૂર કરવા માટે આ એક ખૂબ જ અસરકારક ઉપાય છે. તેના થોડા ટીપાં તમારા શેમ્પૂમાં મિક્સ કરો અને તમારું માથું ધોઈ લો. માત્ર ચારથી પાંચ ઉપયોગથી ડેન્ડ્રફની સમસ્યા દૂર થઈ જશે.
ડેન્ડ્રફની સમસ્યામાં દહીંનો ઉપયોગ કરવો ખૂબ જ ફાયદાકારક છે. ડેન્ડ્રફની સમસ્યાને દૂર કરવા ઉપરાંત તે વાળને પોષણ આપવાનું પણ કામ કરે છે. એક કપ દહીંમાં એક ચમચી ખાવાનો સોડા મિક્સ કરો. આ પેકને સ્કાલ્પ પર લગાવો. થોડા દિવસોમાં તમને ફરક દેખાવા લાગશે.
પાણીમાં લીમડા અને તુલસીના થોડા પાન નાખીને સારી રીતે ઉકાળો પછી તેને ગાળી લો અને ઠંડુ થયા આ પાણીથી વાળ ધોઈ લો. ડેન્ડ્રફની સમસ્યા થોડા જ ઉપયોગથી દૂર થઈ જશે.
મુલતાની માટી પાવડર લો. તેમાં એપલ સીડર વિનેગર મિક્સ કરો. બાદમાં તેનો શેમ્પૂ તરીકે ઉપયોગ કરો. અઠવાડિયામાં બે વાર આ ઉપાય કરવાથી ફાયદો થશે.
જીવનશૈલી સંબંધિત તમામ સમાચાર માટે ગુજરાતી જાગરણ વાંચતા રહો.