ઘણાં લોકોને જમતી વખતે ઉપરથી વધારાનું મીઠું ભભરાવીને ખાવાની આદત હોય છે. જે સ્વાસ્થ્ય માટે નુકસાનદાયક નીવડી શકે છે. વધારે પડતું મીઠું, શરીરમાં સોડિયમનું પ્રમાણ વધી જાય છે, જેના પરિણામે અનેક ગંભીર બીમારી થઈ શકે છે.તો ચાલો આયુર્વેદિક ડૉક્ટર શ્રેય શર્મા પાસેથી જાણીએ, જમતી વખતે ઉપરથી મીઠું લેવાથી શું નુકસાન થાય?
વધારે પડતા મીઠાથી હાર્ટ સબંધિત બીમારીઓનો ખતરો વધી જાય છે. જે હાર્ટ એટેક અને સ્ટ્રોકનું કારણ બની શકે છે. સોડિયમનું વધારે પ્રમાણ હ્રદયના ધબકારા પર વિપરિત અસર થાય છે.
જમતી વખતે ઉપરથી મીઠું લેવામાં આવે, તો શરીરમાં પાણી અટકી જાય છે, જેના પરિણામે પેટ ફુલી ગયું હોય તેવું લાગે છે. આવી આદત તમારી પાચન ક્રિયા પર વિપરિત અસર કરે છે અને ગેસ અને અપચો જેવી સમસ્યા થવા લાગે છે.
વધારે પડતા મીઠાથી લોહીમાં સોડિયમનું લેવલ વધે છે. જેનાથી હાઈ બ્લડ પ્રેશરની સમસ્યા થઈ શકે છે. જેના પરિણામે ચક્કર આવવા, થાક લાગવો અને માથામાં દુખાવા જેવી સમસ્યા થઈ શકે છે.
વધારે પડતું મીઠું ખાવાથી કિડની પર પ્રેશર વધે છે. વારંવાર યુરિન આવવું અને પાણીની ઉણપથી કિડનીને નુકસાન પહોંચાડે છે. લાંબા સમય સુધી આવું રહે, તો કિડની ફેઈલ થવાનું કારણ બની શકે છે.
વધારે મીઠાથી શરીરમાં સોજો, બળતરા અને ખંજવાળની સમસ્યા સર્જાઈ શકે છે. જેના પરિણામે સ્કિન પર રેશેજ અને એલરજીની સંભાવના વધી જાય છે. સ્કિનને હેલ્થી જાળવી રાખવા માટે મીઠાને લિમિટમાં લેવું જોઈએ.
ડૉ. શ્રેય શર્માએ જણાવ્યું કે, મીઠું 40 ટકા સોડિયમ અને 60 ટકા ક્લોરાઈડથી બને છે, જે શરીરમાં પાણી અને મિનરલ્સનું બેલેન્સ બનાવવામાં મદદ કરે છે. જો કે ઘણાં લોકોને જમતી વખતે ઉપરથી મીઠું ભભરાવવાની આદત હોય છે. જો કે લાંબા સમયે આ આદત તમારા સ્વાસ્થ્ય માટે હાનિકારક નીવડી શકે છે.