આજે સમગ્ર દેશમાં કુબેર દેવને સમર્પિત એવા ધનતેરસના તહેવારની ઉજવણી થઈ રહી છે. આ તહેવારનું એક અલગ જ ધાર્મિક મહત્વ રહેલું છે.
ધનતેરસના દિવસે વસ્તુઓ ખરીદવાની સાથે સાથે વસ્તુઓનું દાન કરવું પણ એટલું જ શુભ માનવામાં આવે છે. આજના દિવસે આ વસ્તુઓનું દાન કરવાથી તમારી કિસ્મત ચમકી શકે છે.
પોરાણિક કથાઓ પ્રમાણે અન્નદાનને મહાદાન માનવામાં આવે છે. ધનતેરસના દિવસે જરુરિયાતમંદને લોટ અને ઘઉંનુ દાન કરવાથી ઘરમાં મા લક્ષ્મીની કૃપા વરસી શકે છે.
કપડાંએ દરેક વ્યક્તિની મૂળભુત જરુરિયાત છે. આજના દિવસે પીળા રંગના કપડાંનું દાન કરી શકો છો. તેનાથી કુબેર દેવ પ્રસન્ન થઈ શકે છે.
ધાર્મિક માન્યતા પ્રમાણે સાવરણી મા લક્ષ્મીની પસંદીદા વસ્તુઓ માંથી એક છે. ધનતેરસના દિવસે કોઈ સફાઈ કર્મચારીને સાવરણીનું દાન કરવાથી લાભ થાય છે.
તમે જાણતા જ હશો કે ધનતેરસના દિવસે ઘરમાં ખાંડ અને મીઠાને લાવવું ખૂબ જ શુભ માનવામાં આવે છે. આ બન્ને વસ્તુઓનુ દાન કરવું પણ લાભદાયી નીવડે છે.
ધાર્મિક માન્યતા પ્રમાણે ધનતેરસના દિવસે લોખંડની વસ્તુઓનુ દાન કરવાથી વ્યક્તિનું દુર્ભાગ્ય દૂર થાય છે. જોકે આજના દિવસે ભૂલથી પણ લોખંડની વસ્તુઓ ખરીદવી ન જોઈએ.