આજકાલ બહાર પ્રદૂષણનું પ્રમાણ વધી ગયું છે. જેની અસર સ્કિન પર તરત જ જોવા મળે છે. ધૂળ, પ્રદૂષણ વગેરેના કારણે ચહેરા પર કાળાશ અને ટેનિંગ થવા લાગે છે.
બદલાતી લાઈફ સ્ટાઈલ અને વધતી વયમાં ચહેરા પર પિગમેન્ટેશન થવા લાગે છે. જેનાથી બચવા માટે બદામના તેલનો ઉપયોગ કરી શકાય છે.
બદામના તેલમાં એલોવેરા જેલ મિક્સ કરીને લગાવવાથી ચહેરા પરથી પિગમેન્ટેશન દૂર કરવામાં મદદ મળે છે. આ માટે બે ચમચી બદામના તેલમાં 1 ચમચી એલોવેરા જેલ મિક્સ કરીને લગાવો, જેનાથી ચહેરા પરની કાળાશ દૂર થાય છે.
જેને થોડીવાર રાખ્યા બાદ પણ ચહેરો ધોઈ શકાય છે. જો કે વધારે લાભ લેવા માટે તેને આખી રાત માટે લગાવી શકો છે. સવારે ઉઠીને ચહેરો સાફ કરવાથી તે ચમકવા લાગે છે.
બદામનું તેલ ચહેરા પર સૂતા પહેલા લગાવો. જેનાથી ચહેરાની કાળાશ, ડાઘ-ધબ્બા, ટેનિંગની સમસ્યા દૂર થાય છે. આખી રાત ચહેરા પર આ તેલ લગાવીને રાખ્યો અને સવારે ધોઈ લો. જેનાથી સ્કિન સૉફ્ટ થઈ જશે.
પિગમેન્ટેશન દૂર કરવા માટે બદામના તેલમાં થોડી કૉફી અને ખાંડ મિક્સ કરીને ચહેરા પર સ્ક્રબ કરો. 15-20 મિનિટ સુધી લગાવીને રાખ્યા બાદ ચહેરો ધોઈ લો.
સ્ક્રબ કર્યા બાદ ચહેરા પર બદામનું તેલ લગાવો. જેનાથી ચહેરા પર નિખાર આવશે અને સ્કિન મોઈશ્વરાઈઝ થશે.