Prepaid plans under 200: રિલાયન્સ જીઓ (Jio) અને એરટેલ (Airtel) પોતાના ગ્રાહકો માટે ₹200થી ઓછી કિંમતના શાનદાર પ્રીપેડ પ્લાન ઓફર કરી રહ્યા છે. આ પ્લાન ખાસ કરીને એવા લોકો માટે બેસ્ટ છે જેમને ઓછા બજેટમાં ડેટા અને અનલિમિટેડ કોલિંગની સુવિધા જોઈએ છે.
Jio ના પ્લાન્સ
આ પણ વાંચો
₹189 નો પ્લાન: આ પ્લાનની વેલિડિટી 28 દિવસની છે. આમાં દેશભરમાં કોઈપણ નેટવર્ક પર અનલિમિટેડ વોઈસ કોલિંગ મળે છે. ડેટાની વાત કરીએ તો, આખા મહિના માટે કુલ 2GB હાઈ-સ્પીડ ડેટા અને 300 SMS મળે છે. આ ઉપરાંત JioTV, JioCinema અને JioCloud જેવી એપ્સનું મફત સબ્સ્ક્રિપ્શન પણ મળે છે. જેમને લાંબી વેલિડિટી જોઈતી હોય અને ઇન્ટરનેટનો વપરાશ ઓછો હોય, તેમના માટે આ પ્લાન બેસ્ટ છે.
₹198 નો પ્લાન: જો તમારે રોજ વધારે ડેટાની જરૂર હોય તો આ પ્લાન વધુ સારો છે. આમાં 14 દિવસની વેલિડિટી મળે છે, જેમાં દરરોજ 2GB હાઈ-સ્પીડ ડેટા આપવામાં આવે છે. આ સાથે જ અનલિમિટેડ કોલિંગ અને રોજ 100 SMSની સુવિધા પણ મળે છે.
Airtel નો પ્લાન
₹199 નો પ્લાન: એરટેલ ₹200ની અંદર 28 દિવસની વેલિડિટી વાળો પ્લાન આપે છે. આ પ્લાનમાં યુઝર્સને અનલિમિટેડ વોઈસ કોલ્સ, કુલ 2GB ડેટા અને 100 SMS મળે છે. વધારાના ફાયદા તરીકે આમાં એરટેલ રિવોર્ડ્સ અને એરટેલ એક્સસ્ટ્રીમ પ્લે (Airtel Xstream Play) નો એક્સેસ પણ શામેલ છે.
ઓછા ખર્ચે પોતાનું સિમ કાર્ડ ચાલુ રાખવા અને જરૂરી કોલિંગ તેમજ ડેટા મેળવવા માટે આ બંને કંપનીઓના પ્લાન ગ્રાહકો માટે ખૂબ જ ફાયદાકારક સાબિત થઈ રહ્યા છે.