Virat Kohli-Vaibhav Sooryavanshi Video, IPL 2026 Final: RCB vs GT: રોયલ ચેલેન્જર્સ બેંગલુરુ (RCB) એ આઈપીએલ 2026 (IPL 2026) ની ફાઇનલમાં શાનદાર પ્રદર્શન કરીને સતત બીજી વખત આઈપીએલ ટાઇટલ પોતાના નામે કરી લીધું છે. અમદાવાદના નરેન્દ્ર મોદી સ્ટેડિયમમાં રમાયેલી રોમાંચક ફાઇનલ મેચમાં RCB એ ગુજરાત ટાઇટન્સ (GT) ને 5 વિકેટથી પરાજય આપ્યો હતો. આ ઐતિહાસિક જીત બાદ સોશિયલ મીડિયા પર એક વીડિયો જોરદાર વાયરલ થઈ રહ્યો છે, જેમાં 'કિંગ કોહલી' ક્રિકેટ જગતના નવા અને માત્ર 15 વર્ષના સેન્સેશન વૈભવ સૂર્યવંશીને મેદાન પર મળીને ખાસ સલાહ આપતો જોવા મળી રહ્યો છે.
વિરાટની અણનમ ફિફ્ટી અને વિજયી સિક્સર
ફાઇનલ મેચમાં ટોસ હાર્યા બાદ પ્રથમ બેટિંગ કરતા ગુજરાત ટાઇટન્સે 20 ઓવરમાં 8 વિકેટ ગુમાવીને 155 રન બનાવ્યા હતા. 156 રનના લક્ષ્યનો પીછો કરવા ઉતરેલી RCB ની ટીમ તરફથી વિરાટ કોહલીએ મોરચો સંભાળ્યો હતો. કોહલીએ 75 રનની શાનદાર અણનમ ઇનિંગ રમીને ટીમને જીત અપાવી હતી. મેચનો વિજયી છગ્ગો પણ વિરાટના બેટમાંથી જ નીકળ્યો હતો, જેના કારણે RCB એ 18 ઓવરમાં 5 વિકેટના નુકસાને 161 રન બનાવી લક્ષ્ય હાંસલ કરી લીધું હતું.
King meets Bihari Monster 💀 pic.twitter.com/927R0z8kF3
— सीतामढ़ी जिला 🇮🇳 (@SitamarhiJila) June 1, 2026
કિંગ કોહલીનો 'ગુરુમંત્ર' વીડિયો સોશિયલ મીડિયા પર વાયરલ
મેચ પૂરી થયા બાદ જ્યારે બંને ટીમના ખેલાડીઓ એકબીજાને મળી રહ્યા હતા, ત્યારે વિરાટ કોહલી ખાસ કરીને યુવા ખેલાડી વૈભવ સૂર્યવંશી પાસે ગયો હતો. વાયરલ વીડિયોમાં જોઈ શકાય છે કે કોહલી પહેલા વૈભવ સાથે હાથ મિલાવે છે અને ત્યારબાદ તેના ખભા પર હાથ મૂકીને તેને ક્રિકેટ કરિયર અને રમતને વધુ બહેતર બનાવવા માટે ખાસ 'ગુરુમંત્ર' અને સલાહ આપતો નજરે પડે છે. ક્રિકેટ ફેન્સ આ વીડિયો પર સોશિયલ મીડિયા પ્લેટફોર્મ્સ પર ઘણો પ્રેમ વરસાવી રહ્યા છે અને તેને 'પાસિંગ ધ બેટન' ગણાવી રહ્યા છે.
15 વર્ષના વૈભવ સૂર્યવંશીએ એવોર્ડ્સની વણઝાર લગાવી
આ સીઝનમાં ક્રિકેટ જગતને વૈભવ સૂર્યવંશીના રૂપમાં એક નવો સુપરસ્ટાર મળ્યો છે. 15 વર્ષીય વૈભવે આઈપીએલની 19મી સીઝનમાં અનેક રેકોર્ડ્સ તોડીને ઇતિહાસના પાના પર પોતાનું નામ સુવર્ણ અક્ષરોથી અંકિત કરી દીધું છે. IPL 2026 માં તેના અસાધારણ પ્રદર્શન બદલ તેને કુલ 5 મુખ્ય એવોર્ડ્સથી નવાજવામાં આવ્યો હતો.
- ઓરેન્જ કેપ (Orange Cap)
- મોસ્ટ વેલ્યુએબલ પ્લેયર (MVP)
- ઇમર્જિંગ પ્લેયર ઓફ ધ સીઝન
- સુપર સ્ટ્રાઇકર ઓફ ધ સીઝન
- સુપર સિક્સીસ ઓફ ધ સીઝન