Virat Kohli 250 Million Instagram Followers : ભારતીય ટીમનો સ્ટાર ખેલાડી વિરાટ કોહલી (Viral Kohli) ક્રિકેટના મેદાન પર હંમેશા નવા રેકોર્ડ બનાવતો રહે છે. આ સાથે કોહલી સોશિયલ મીડિયા પર પણ ખૂબ જ એક્ટિવ છે અને સતત નવી પોસ્ટ પોસ્ટ કરતો રહે છે. વિરાટ કોહલીની આ સ્ટાઇલના કારણે તેના ફોલોઅર્સ પણ દરેક જગ્યાએ કરોડોની સંખ્યામાં છે. વિરાટ કોહલીના ઇન્સ્ટાગ્રામ (Virat Kohli Instagram) પર સૌથી વધુ ફોલોઅર્સ છે, જેના પર તેણે એક મોટો રેકોર્ડ બનાવ્યો છે.
વિરાટ કોહલીએ ઈતિહાસ રચ્યો
ટીમ ઈન્ડિયાના પૂર્વ કેપ્ટન વિરાટ કોહલીના ઈન્સ્ટાગ્રામ પર ફોલોઅર્સની સંખ્યા 250 મિલિયન થઈ ગઈ છે. ઈન્સ્ટાગ્રામ (Instagram) પર 250 મિલિયન ફોલોઅર્સ ધરાવનાર તે પ્રથમ એશિયન બની ગયો છે. વિરાટ કોહલી ઇન્સ્ટાગ્રામ પર આ સિદ્ધિ મેળવનાર ત્રીજો ખેલાડી છે. આ યાદીમાં પોર્ટુગલનો ફૂટબોલર ક્રિસ્ટિયાનો રોનાલ્ડો (Cristiano Ronaldo) પ્રથમ નંબરે છે. તેના 585 મિલિયન ફોલોઅર્સ છે. બીજી તરફ આર્જેન્ટિનાના ફૂટબોલર લિયોનેલ મેસ્સી (Lionel Messi) બીજા નંબર પર છે. તેના 461 મિલિયન ફોલોઅર્સ છે.
બીજી તરફ આ પ્લેટફોર્મ પર એકંદર ફોલોઅર્સની વાત કરીએ તો વિરાટનું નામ આમાં 16માં નંબર પર છે. આ યાદીમાં સૌથી ઉપર ઈન્સ્ટાગ્રામ છે જેના સૌથી વધુ 631 મિલિયન ફોલોઅર્સ છે. ભારતમાં ફોલોઅર્સની બાબતમાં વિરાટ ટોપ પર છે. પ્રિયંકા 87.6 મિલિયન ફોલોઅર્સ સાથે બીજા અને શ્રદ્ધા કપૂર 80.8 મિલિયન ફોલોઅર્સ સાથે ત્રીજા ક્રમે છે.
IPL 2023માં વિરાટ કોહલીનું પ્રદર્શન
વિરાટ કોહલીએ IPL 2023માં શરૂઆતથી જ શાનદાર લય જાળવી રાખી હતી અને પોતાની ટીમ RCB માટે ઘણી મેચો જીતી હતી. તેણે આ સિઝનમાં રમાયેલી 14 મેચોમાં 53.25ની શાનદાર એવરેજથી 639 રન બનાવ્યા છે. આઈપીએલ 2023ની ઓરેન્જ કેર લિસ્ટમાં તે લીગ સ્ટેજ સુધી ત્રીજા નંબરે હતો.
