Virat Kohli 38th Birthday: ભારતીય ક્રિકેટના સુપરસ્ટાર અને વિશ્વભરના કરોડો ચાહકોના દિલ પર રાજ કરનાર વિરાટ કોહલી 5 નવેમ્બરે તેમનો 38મો જન્મદિવસ ઉજવી રહ્યા છે. મેદાન પર પોતાના બેટ વડે અસંખ્ય રેકોર્ડ બનાવનાર કોહલીની ઓળખ માત્ર એક શ્રેષ્ઠ ક્રિકેટર પૂરતી સીમિત નથી, પરંતુ સમગ્ર વિશ્વ તેમને એક ગ્લોબલ બ્રાન્ડ તરીકે ઓળખે છે. મેદાન પર સદીઓ અને યાદગાર મેચ-વિનિંગ ઇનિંગ્સ રમનાર ક્રિકેટના આ 'કિંગ' કમાણી અને બિઝનેસના મામલે પણ કોઈથી પાછળ નથી. તેમના 38મા જન્મદિવસે જાણો વિરાટ કોહલીની શાનદાર લાઇફસ્ટાઇલ, બિઝનેસ સામ્રાજ્ય અને કરોડોની નેટવર્થ વિશે.
1050 કરોડની નેટવર્થ અને સફળ બિઝનેસ મોડલ
વિરાટ કોહલીએ ક્રિકેટ ઉપરાંત બિઝનેસ, ઇન્વેસ્ટમેન્ટ અને એડવર્ટાઇઝિંગની દુનિયામાં પોતાની એક અલગ આગવી ઓળખ ઊભી કરી છે. મીડિયા રિપોર્ટ્સ અનુસાર, વિરાટ કોહલીની કુલ સંપત્તિ આશરે ₹1050 કરોડ છે. કોહલીએ પોતાની લોકપ્રિયતાને માત્ર જાહેરાતો સુધી સીમિત ન રાખતાં ખુદની બ્રાન્ડ્સ પણ ઊભી કરી છે:
- Wrogn: આ તેમનો પોપ્યુલર ફેશન બ્રાન્ડ છે, જે યુવાનોમાં કેઝ્યુઅલ અને ટ્રેન્ડી કપડાં માટે ભારે લોકપ્રિય છે.
- One8: ફિટનેસ અને લાઇફસ્ટાઇલ સાથે જોડાયેલી આ બ્રાન્ડ હેઠળ કપડાં અને અન્ય પ્રોડક્ટ્સ સિવાય 'One8 Commune' રેસ્ટોરન્ટ્સ દ્વારા તેમણે હોસ્પિટાલિટી ક્ષેત્રે પણ મોટું નામ બનાવ્યું છે.
- Chisel Fitness: પોતાની ફિટનેસ માટે જાણીતા કોહલીએ આ વેન્ચર દ્વારા ફિટનેસ ઇન્ડસ્ટ્રીમાં પણ રોકાણ કર્યું છે.
સ્ટાર્ટઅપ્સ અને સ્પોર્ટ્સ ક્ષેત્રે વિશાળ રોકાણ
વિરાટે કમાણીના સ્ત્રોત માત્ર ક્રિકેટ અને જાહેરાત પૂરતા સીમિત ન રાખતાં અલગ-અલગ ઇન્ડસ્ટ્રીઝમાં રોકાણ વધાર્યું છે.
પ્લાન્ટ-બેસ્ડ ફૂડ કંપની Blue Tribe Foods અને કોફી બ્રાન્ડ Rage Coffee માં તેમણે મોટું રોકાણ કર્યું છે.
ઇન્સ્યોરન્સ ક્ષેત્રની જાણીતી કંપની Digit Insurance માં પણ તેમનો હિસ્સો છે.
સ્પોર્ટ્સ અને બિઝનેસ સાથે જોડાયેલી કંપની Agilitas માં આશરે ₹40 કરોડના રોકાણ ઉપરાંત તેઓ ઇન્ડિયન સુપર લીગની ફૂટબોલ ક્લબ FC Goa ના પણ સહ-માલિક છે.
સોશિયલ મીડિયા અને બ્રાન્ડ એન્ડોર્સમેન્ટથી કરોડોની કમાણી
વિરાટ કોહલી ઇન્સ્ટાગ્રામ પર વિશ્વમાં સૌથી વધુ ફોલોઅર્સ ધરાવતા રમતવીરોમાંના એક છે. સોશિયલ મીડિયા પર તેમની જબરદસ્ત પકડ અને ચાહકોના ક્રેઝને કારણે વિશ્વની મોટી બ્રાન્ડ્સ તેમને પસંદ કરે છે.
- સોશિયલ મીડિયા કમાણી: રિપોર્ટ્સ મુજબ, ઇન્સ્ટાગ્રામ પર માત્ર એક સ્પોન્સર્ડ પોસ્ટ કરવા માટે કોહલી આશરે ₹12 કરોડ સુધી ફી લે છે.
- બ્રાન્ડ એન્ડોર્સમેન્ટ: કોહલી Manyavar, Audi, Puma સહિત આશરે 30 થી વધુ પ્રખ્યાત રાષ્ટ્રીય અને આંતરરાષ્ટ્રીય બ્રાન્ડ્સ સાથે જોડાયેલા છે. જાહેરાતો દ્વારા તેમની વાર્ષિક કમાણી આશરે ₹200 કરોડ જેટલી થાય છે.
BCCI અને IPL મેચ ફી
બિઝનેસ અને એડવર્ટાઇઝમેન્ટ ઉપરાંત ક્રિકેટ કોહલીની કમાણીનો મુખ્ય આધાર છે. તેઓ BCCI ના સેન્ટ્રલ કોન્ટ્રાક્ટ (A+ કેટેગરી) અને મેચ ફી દ્વારા કરોડો રૂપિયા કમાય છે. આ ઉપરાંત, આઈપીએલમાં રોયલ ચેલેન્જર્સ બેંગલુરુ (RCB) સાથે તેઓ શરૂઆતથી જ જોડાયેલા છે. IPL 2026 માટે RCB એ તેમને ₹21 કરોડની માતબર રકમમાં રિટેન કર્યા હતા.
આલીશાન બંગલા અને કિંમતી લક્ઝરી કાર કલેક્શન
વિરાટ કોહલીનું રોયલ કિંગ જેવું જીવન તેમના ઘરો અને કારના કલેક્શનમાં સ્પષ્ટ દેખાય છે:
આલીશાન મકાનો:
મુંબઈમાં સમુદ્ર કિનારે આવેલો આલીશાન લક્ઝરી એપાર્ટમેન્ટ, ગુરુગ્રામમાં ભવ્ય બંગલો અને અલીબાગમાં લક્ઝરિયસ ફાર્મહાઉસ છે. આ સિવાય લંડનના પોશ એરિયા નોટિંગ હિલમાં પણ તેમના ઘરની ચર્ચા રહી છે.
લક્ઝરી કાર્સ:
કોહલીને મોંઘી કારોનો ભારે શોખ છે. તેમના ગૅરેજમાં Bentley Continental GT, Bentley Flying Spur, Range Rover Vogue અને Audi R8 જેવી સુપર-લક્ઝરિયસ અને હાઇ-પર્ફોર્મન્સ કારો સામેલ છે.