Vaibhav Suryavanshi VHT 2025: વૈભવ સૂર્યવંશી આગામી મહિને ઝિમ્બાબ્વે અને નામિબિયા દ્વારા સંયુક્ત રીતે યોજાનાર ICC અંડર -19 વર્લ્ડ કપમાં રમવા માટે તૈયાર છે. તે પહેલાં, જુનિયર ભારતીય ટીમ દક્ષિણ આફ્રિકા સામે ત્રણ મેચની ODI શ્રેણી રમશે જેમાં વૈભવ ભારતનું નેતૃત્વ કરશે. આ શ્રેણી પહેલા વૈભવ સૂર્યવંશીએ વિજય હજારે ટ્રોફીમાં શાનદાર પ્રદર્શન કર્યું હતું.
મેઘાલય સામેની મેચમાં વૈભવે શાનદાર બેટિંગ કરી અને ટીમને ઝડપી શરૂઆત અપાવી. ભલે તે તેની ઝડપી શરૂઆતને મોટી ઇનિંગ્સમાં ફેરવી ન શક્યો પરંતુ તે જેટલો સમય મેદાનમાં રહ્યો બોલર માટે ખૌફ બની રહ્યો હતો. વૈભવે 300થી વધુની સ્ટ્રાઇક રેટથી રન બનાવ્યા હતા.
વૈભવની વિસ્ફોટક ઇનિંગ
મેચમાં બિહારને જીતવા માટે 218 રનની જરૂર હતી વૈભવ મંગલ મહારૌર સાથે ઇનિંગની શરૂઆત કરવા માટે આવ્યો. તેણે પોતાની શૈલીમાં બેટિંગ કરી. તે આવતાની સાથે જ તેણે ચોગ્ગાનો વરસાદ કર્યો. વૈભવ પાંચમી ઓવરના પહેલા બોલ પર આઉટ થયો હતો અને તે સમયે ટીમનો સ્કોર 38 રન હતો, જેમાંથી વૈભવે એકલા 31 રન બનાવ્યા હતા. વૈભવે આ રન બનાવવા માટે 10 બોલનો સામનો કર્યો અને છ ચોગ્ગા અને એક છગ્ગો ફટકાર્યો. આ સમયગાળા દરમિયાન તેનો સ્ટ્રાઇક રેટ 310 હતી.
વૈભવના આઉટ થયા પછી મેદાનમાં આવેલા પિયુષ સિંહે શાનદાર સદી ફટકારી અને ટીમને વિજય અપાવ્યો. તેણે 88 બોલનો સામનો કર્યો અને 14 ચોગ્ગા અને એક છગ્ગાની મદદથી અણનમ 100 રન બનાવ્યા. તેને આકાશ રાજે સાથ આપ્યો, જેણે 90 બોલમાં 10 ચોગ્ગા અને એક છગ્ગાની મદદથી અણનમ 75 રન બનાવ્યા.
આવી હતી સિક્કિમની ઇનિંગ
આ મેચમાં સિક્કિમના બેટ્સમેન ખાસ પ્રભાવ પાડવામાં નિષ્ફળ રહ્યા. નવમા ક્રમાંકિત બેટ્સમેન રામ ગુરાંગે શાનદાર હાફ સેન્ચુરી ફટકારી. 64 બોલમાં ત્રણ ચોગ્ગા અને બે છગ્ગાની મદદથી અણનમ 56 રન બનાવ્યા. નીચલા ક્રમના બેટ્સમેનોના યોગદાનને કારણે સિક્કિમ 200 રનનો આંકડો પાર કરવામાં સફળ રહ્યું. રામ ઉપરાંત અનિશે 56 બોલમાં 32 રન બનાવ્યા જેમાં એક ચોગ્ગાનો સમાવેશ થાય છે.
વૈભવની ખરી કસોટી હવે શરુ થશે
વૈભવે 23 મહિનાના સિનિયર ક્રિકેટ કારકિર્દીમાં, સૂર્યવંશીએ પોતાને સાબિત કર્યું છે. રણજી ટ્રોફીમાં તેનો રેકોર્ડ સરેરાશ છે પરંતુ તે સફેદ બોલના ક્રિકેટમાં નિર્ભય અને ખતરનાક છે; સાત 50-ઓવર મેચોમાં, તેની સરેરાશ 46 છે અને તેનો સ્ટ્રાઇક રેટ 157.83 છે. તેના T20 આંકડા વધુ પ્રભાવશાળી છે. 18 ઇનિંગ્સમાં તે સરેરાશ 41.23 અને સ્ટ્રાઇક 204.37 છે, જેમાં ત્રણ સદી અને 144નો સૌથી વધુ સ્કોર સામેલ છે. આ આંકડા કિશોર વયે અવિશ્વસનીય છે, ખાસ કરીને કારણ કે તે 15 વર્ષનો પણ નથી.