Vaibhav Suryavanshi, IPL 2026: આઈપીએલ 2026 (IPL 2026) ની સીઝન રોયલ ચેલેન્જર્સ બેંગ્લુરુ (RCB) ના સતત બીજા ટાઇટલ વિજયની સાથે સાથે રાજસ્થાન રોયલ્સ (RR) ના 15 વર્ષીય યુવા બેટ્સમેન વૈભવ સૂર્યવંશીના ઐતિહાસિક પ્રદર્શન માટે હંમેશા યાદ રાખવામાં આવશે. આઈપીએલના ઇતિહાસમાં ફાઇનલ મેચ રમ્યા વિના પણ એક જ સીઝનમાં આટલા બધા એવોર્ડ્સ જીતનારો વૈભવ પ્રથમ ખેલાડી બન્યો છે. તેણે ઓરેન્જ કેપ અને પ્લેયર ઓફ ધ ટુર્નામેન્ટ સહિત 5 મુખ્ય એવોર્ડ્સ પોતાના નામે કર્યા છે. પરંતુ શું તમે જાણો છો કે આ શાનદાર પ્રદર્શનના જોરે વૈભવે આ સીઝનમાં કુલ કેટલી કમાણી કરી છે? ચાલો સમજીએ તેનું ગણિત.
રાજસ્થાન રોયલ્સ તરફથી મળી મોટી ફી
વૈભવ સૂર્યવંશીને રાજસ્થાન રોયલ્સે IPL 2025 ના મેગા ઓક્શન દરમિયાન ₹1.10 કરોડમાં ખરીદ્યો હતો અને આ સીઝન માટે પણ તેને આ જ કિંમતે રિટેન કરવામાં આવ્યો હતો. આ ફિક્સ ફી ઉપરાંત તેને દર મેચ દીઠ ₹7.5 લાખની મેચ ફી પણ મળી છે:
- 14 લીગ મેચની ફી: ₹1.05 કરોડ
- 2 પ્લેઓફ મેચની ફી: ₹15 લાખ
- કુલ મેચ ફી: ₹1.20 કરોડ
એવોર્ડ્સની વણઝાર અને લાખોના રોકડ પુરસ્કારો
- ઓરેન્જ કેપ (સૌથી વધુ રન): ₹10 લાખનો ચેક અને પ્રતિષ્ઠિત ટ્રોફી.
- મોસ્ટ વેલ્યુએબલ પ્લેયર (પ્લેયર ઓફ ધ ટુર્નામેન્ટ): ₹15 લાખનો ચેક.
- મોસ્ટ સિક્સીસ (સીઝનમાં સૌથી વધુ છગ્ગા): ₹10 લાખનો રોકડ પુરસ્કાર.
- ઇમર્જિંગ પ્લેયર ઓફ ધ સીઝન: ₹10 લાખની ઇનામી રકમ.
- સુપર સ્ટ્રાઇકર ઓફ ધ સીઝન: સીઝનમાં સૌથી શાનદાર સ્ટ્રાઈક રેટ જાળવવા બદલ ₹10 લાખ રોકડા અને સાથે એક નવી ટાટા સીએરા (Tata Sierra) કાર મળી છે. આ કારના ટોપ મોડેલની એક્સ-શોરૂમ કિંમત અંદાજે ₹21.29 લાખ છે, પરંતુ જો તેનું સરેરાશ મૂલ્ય ₹20 લાખ પણ ગણીએ તો માત્ર એવોર્ડ્સમાંથી જ તેની કમાણી ₹70 લાખથી વધુ થાય છે.
આ ઉપરાંત લીગ મેચો દરમિયાન પણ વૈભવે શાનદાર પ્રદર્શન કરીને 5 અલગ-અલગ પ્રસંગોએ 'સુપર સ્ટ્રાઈકર ઓફ ધ મેચ', 'પ્લેયર ઓફ ધ મેચ' અને 'મોસ્ટ સિક્સીસ ઇન અ મેચ' જેવા વ્યક્તિગત એવોર્ડ્સ જીતીને વધારાના ₹5 લાખ કમાયા હતા.
વૈભવ સૂર્યવંશીની IPL 2026 ની કુલ કમાણી પર એક નજર
| કમાણીનો સ્ત્રોત | રકમ (રૂપિયામાં) |
| IPL 2026 રિટેનરશીપ ફી | ₹1.10 કરોડ |
| IPL 2026 કુલ મેચ ફી (16 મેચ) | ₹1.20 કરોડ |
| પ્લેયર ઓફ ધ ટુર્નામેન્ટ એવોર્ડ | ₹15 લાખ |
| ઓરેન્જ કેપ એવોર્ડ | ₹10 લાખ |
| મોસ્ટ સિક્સીસ એવોર્ડ | ₹10 લાખ |
| ઇમર્જિંગ પ્લેયર ઓફ ધ સીઝન | ₹10 લાખ |
| સુપર સ્ટ્રાઈકર ઓફ ધ સીઝન | ₹10 લાખ + ₹20 લાખની કાર |
| મેચ દરમિયાન મળેલા અન્ય પુરસ્કારો | ₹5 લાખ |
| કુલ કમાણી | ₹3.10 કરોડ |