ટ્રેન્ડિંગ

U 19 Team India: 6,6,6,6,6,6… વૈભવ સૂર્યવંશીએ ઓસ્ટ્રેલિયાના બોલર્સને ધોઈ નાખ્યા, બનાવ્યો છગ્ગાઓનો મહારેકોર્ડ, કાંગારૂઓ સ્તબ્ધ

ભારતીય ટીમ હવે ત્રણ મેચની શ્રેણીમાં 2-0થી અજેય લીડ ધરાવે છે. વૈભવ સૂર્યવંશીએ આ મેચમાં એક મહત્વપૂર્ણ રેકોર્ડ હાંસલ કર્યો છે.

By: Jignesh TrivediEdited By:Jignesh TrivediPublish Date: Wed, 24 Sep 2025 07:47 PM (IST)Updated: Wed, 24 Sep 2025 07:47 PM (IST)
u-19-team-india-666666-vaibhav-suryavanshi-washes-away-australian-bowlers-sets-record-of-sixes-kangaroos-stunned

U 19 Team India: ભારતની અંડર-19 ટીમે ફરી એકવાર બ્રિસ્બેનના ગાબા ખાતે ઓસ્ટ્રેલિયાની અંડર-19 ટીમને હરાવી છે. ભારતીય ટીમ હવે ત્રણ મેચની શ્રેણીમાં 2-0થી અજેય લીડ ધરાવે છે. વૈભવ સૂર્યવંશીએ આ મેચમાં એક મહત્વપૂર્ણ રેકોર્ડ હાંસલ કર્યો છે.

ટીમ ઈન્ડિયાની અંડર-19 ટીમે બ્રિસ્બેનના ગાબા ખાતે ઓસ્ટ્રેલિયાની અંડર-19 ટીમને 51 રનથી હરાવ્યું છે. ત્રણ મેચની વનડે શ્રેણીમાં આ ભારતનો સતત બીજો વિજય હતો. ભારતીય ટીમ હવે શ્રેણીમાં 2-0થી આગળ છે. ત્રીજી મેચ 26 સપ્ટેમ્બરે રમાશે. આ મેચમાં વૈભવે છગ્ગાનો મહત્વપૂર્ણ રેકોર્ડ બનાવ્યો.

આ પણ વાંચો
Australia U19 vs India U19: વૈભવ સૂર્યવંશી પહેલા બોલે જ 0 પર આઉટ, ક્રિકેટ ઈતિહાસમાં પહેલી વખત કોઈ ખેલાડીએ બનાવ્યો આવો શરમજનક રેકોર્ડ
Australia U19 vs India U19: વૈભવ સૂર્યવંશી પહેલા બોલે જ 0 પર આઉટ, ક્રિકેટ ઈતિહાસમાં પહેલી વખત કોઈ ખેલાડીએ બનાવ્યો આવો શરમજનક રેકોર્ડ

બ્રિસ્બેનના ઐતિહાસિક ગાબા મેદાન પર રમાયેલી આ મેચમાં, ભારતીય ટીમે પ્રથમ બેટિંગ કરીને 300 રન બનાવ્યા હતા, જેના જવાબમાં યજમાન ઓસ્ટ્રેલિયન ટીમ 47.2 ઓવરમાં 249 રનમાં ઓલઆઉટ થઈ ગઈ હતી.

આ મેચમાં 14 વર્ષીય વૈભવ સૂર્યવંશીએ ફરી એકવાર ભારતીય ટીમ માટે શાનદાર ઇનિંગ રમી. વૈભવે 68 બોલમાં 70 રન બનાવ્યા, જેમાં 5 ચોગ્ગા અને 6 છગ્ગાનો સમાવેશ થાય છે.

આ સાથે, વૈભવ સૂર્યવંશીએ ODI ક્રિકેટમાં સૌથી વધુ છગ્ગા ફટકારવાનો રેકોર્ડ તોડ્યો છે. તેણે કુલ 41 છગ્ગા ફટકાર્યા, જે ઉન્મુક્ત ચંદના 38 છગ્ગાના રેકોર્ડને તોડી નાખે છે. યશ દેશમુખની બોલિંગમાં વૈભવ સૂર્યવંશીને આર્યન શર્મા દ્વારા કેચ આઉટ થયો. આનો અર્થ એ થયો કે વૈભવનો કેચ એક ભારતવંશીએ પકડ્યો અને તેને આઉટ પણ એક ભારતવંશી ખેલાડીએ કર્યો હતો.

વૈભવ ઉપરાંત વિહાન મલ્હોત્રાએ આ મેચમાં શાનદાર બેટિંગ કરી હતી. વિહાને 74 બોલમાં 7 ચોગ્ગા અને 1 છગ્ગાની મદદથી 70 રન બનાવ્યા. અભિજ્ઞાન કુંડુએ પણ ઝડપી ઇનિંગ રમી હતી. 64 બોલમાં 5 ચોગ્ગા અને 2 છગ્ગાની મદદથી 71 રન બનાવ્યા, જોકે તે રન આઉટ થયો હતો. ઓસ્ટ્રેલિયા તરફથી વિલ બ્યોમ સૌથી વિકેટ લેનાર બોલર બન્યો તેણે 3 વિકેટ લીધી, જ્યારે યશ દેશમુખને 2 સફળતા મળી હતી.

ઓસ્ટ્રેલિયા તરફથી જેડન ડ્રેપરે શાનદાર સદી ફટકારી, 72 બોલમાં 8 ચોગ્ગા અને 5 છગ્ગાની મદદથી 107 રનની શાનદાર ઇનિંગ રમી, પરંતુ તેને અન્ય બેટ્સમેનોનો ખાસ સહયોગ મળ્યો નહીં. આર્યન શર્માએ 44 બોલમાં 38 રન બનાવ્યા. ભારતીય કેપ્ટન આયુષ મ્હાત્રે બેટથી પોતાનું ખાતું ખોલી શક્યો ન હતો, ત્યારે તેણે સૌથી વધુ 3 વિકેટ લીધી હતી.