RCB W vs DC W: મહિલા પ્રીમિયર લીગ 2026ની ફાઇનલમાં રોયલ ચેલેન્જર્સ બેંગ્લોરનો સામનો દિલ્હી કેપિટલ્સ સામે થયો હતો. વડોદરાના BCA સ્ટેડિયમમાં RCB કેપ્ટન સ્મૃતિ મંધાનાએ તબાહી મચાવી હતી. મંધાનાએ માત્ર 23 બોલમાં પાંચ ચોગ્ગા અને ત્રણ છગ્ગા ફટકારીને પોતાની અડધી સદી પૂરી કરી હતી. WPL ઇતિહાસમાં આ તેની સૌથી ઝડપી અડધી સદી છે.
બીજી વિકેટ માટે 165 રનથી વધુની ભાગીદારી કરી. આ સાથે મંધાનાએ વધુ એક રેકોર્ડ બનાવ્યો છે. તે મહિલા પ્રીમિયર લીગમાં સૌથી વધુ સદીની ભાગીદારી કરનારી બેટ્સમેન બની ગઈ છે. મંધાનાએ આ સંદર્ભમાં નેટ સાયવર-બ્રન્ટને પાછળ છોડી દીધી છે.
WPLમાં સૌથી વધુ સદીની ભાગીદારીમાં સામેલ બેટ્સમેન
- 6 - સ્મૃતિ મંધાના*
- 5 - નેટ સાયવર-બ્રન્ટ
- 4 - શેફાલી વર્મા
- 4- મેગ લેનિંગ
- 4 - હેલી મેથ્યુસ
સ્મૃતિ મંધાનાએ લીગમાં 1,000 રન પણ પૂરા કર્યા જે નેટ સાયવર-બ્રન્ટ (1,348), મેગ લેનિંગ (1,200), હરમનપ્રીત કૌર (1,193) અને શેફાલી વર્મા (1,124) પછી WPLમાં 1,000થી વધુ રન બનાવનારી પાંચમી ખેલાડી બની.
WPLમાં સૌથી વધુ ભાગીદારી (કોઈપણ વિકેટ માટે)
- 165 - સ્મૃતિ મંધાના અને જ્યોર્જિયા વોલ (RCB) વિ ડીસી, વડોદરા, 2026 ફાઇનલ
- 162 - મેગ લેનિંગ અને શેફાલી વર્મા (DC) વિરુદ્ધ આરસીબી, બ્રેબોર્ન, 2023
- 146 - જેસ જોનાસેન અને શેફાલી વર્મા (DC) વિરુદ્ધ આરસીબી, બેંગલુરુ, 2025
- 142 - સ્મૃતિ મંધાના અને જ્યોર્જિયા વોલ (RCB) વિ ડીસી , ડીવાય પાટીલ , 2026
- 140 - બેથ મૂની અને લૌરા વોલ્વાડ્ટ (GG) વિરુદ્ધ આરસીબી, દિલ્હી, 2024