Purple Cap in IPL 2026 (પર્પલ કેપ આઈપીએલ 2026), IPL 2026 Top Wicket-Takers List (April 21, 2026): નરેન્દ્ર મોદી સ્ટેડિયમ ખાતે રમાયેલી IPL 2026 ની 30મી મેચમાં મુંબઈ ઈન્ડિયન્સે (MI) શાનદાર પ્રદર્શન કરીને ગુજરાત ટાઇટન્સનો (GT) સળંગ 3 જીતનો સિલસિલો તોડી નાખ્યો છે. આ રોમાંચક મેચ બાદ પર્પલ કેપની રેસમાં પણ મોટો ઉલટફેર જોવા મળ્યો છે, યુવા બોલર અંશુલ કંબોજ સૌથી વધુ વિકેટ ઝડપીને બોલરોના લિસ્ટમાં નંબર 1 બની ગયો છે.
GT ની શાનદાર શરૂઆત, પણ તિલક વર્માએ બાજી પલટી
આ પણ વાંચો
સોમવાર, 20 એપ્રિલના રોજ રમાયેલી આ મેચમાં GT ના કેપ્ટન શુભમન ગિલે ટોસ જીતીને પ્રથમ બોલિંગ કરવાનો નિર્ણય લીધો હતો. ઘરઆંગણે આ રણનીતિ શરૂઆતમાં ખૂબ જ અસરકારક સાબિત થઈ. કાગીસો રબાડાએ શાનદાર શરૂઆત અપાવતા પ્રથમ 6 ઓવરમાં જ 3 વિકેટ ઝડપી લીધી હતી. એક સમયે MI નો સ્કોર 96/4 હતો અને ટીમ મુશ્કેલીમાં જણાતી હતી. પરંતુ ડાબા હાથના સ્ટાર બેટ્સમેન તિલક વર્માએ માત્ર 45 બોલમાં અણનમ 101 રન ફટકારીને પોતાની પ્રથમ IPL સદી નોંધાવી. તેના આ વિસ્ફોટક પ્રદર્શનની મદદથી મુંબઈએ 20 ઓવરમાં 199/5 નો મજબૂત સ્કોર બનાવ્યો. જવાબમાં ટાઇટન્સની ટીમ લક્ષ્યાંક સુધી પહોંચવામાં નિષ્ફળ રહી અને 16 ઓવરમાં જ ઓલઆઉટ થઈ ગઈ.
પર્પલ કેપ - આઈપીએલ 2026માં સૌથી વધુ વિકેટ લેનાર બોલરો | Top Wicket-Takers (Purple Cap Race) in IPL 2026
અંશુલ કંબોજ: યુવા બોલર અંશુલ કંબોજે ટૂર્નામેન્ટમાં પોતાનો દબદબો જાળવી રાખ્યો છે. તેણે 6 મેચમાં 21.4 ઓવર (130 બોલ) ફેંકીને 16.23 ની શાનદાર એવરેજ સાથે સૌથી વધુ 13 વિકેટ ઝડપી છે અને તે પર્પલ કેપની રેસમાં મોખરે છે.
પ્રસિદ્ધ કૃષ્ણા: ભારતીય ટીમનો ઝડપી બોલર પ્રસિદ્ધ કૃષ્ણ 6 મેચમાં પોતાની પૂરી 24 ઓવર ફેંકીને 19.83 ની એવરેજથી 12 વિકેટ સાથે બીજા ક્રમે છે.
પ્રિન્સ યાદવ: પ્રિન્સ યાદવે પણ પ્રભાવશાળી પ્રદર્શન કરતા 6 મેચમાં 22 ઓવર નાંખીને 17.18 ની ઉત્તમ એવરેજ સાથે 11 વિકેટ ઝડપીને ત્રીજું સ્થાન મેળવ્યું છે.
ભુવનેશ્વર કુમાર: 6 મેચમાં 24 ઓવર (144 બોલ) ફેંકીને 20.00 ની એવરેજથી 10 વિકેટ પોતાના નામે કરી છે.
રવિ બિશ્નોઈ: 6 મેચમાં માત્ર 20 ઓવર (120 બોલ) માં 19.00 ની એવરેજથી 10 વિકેટ ખેરવી છે.
આઈપીએલ 2026 પર્પલ કેપ લિસ્ટ | IPL 2026 Purple Cap List
| ખેલાડી | મેચ | વિકેટ | એવરેજ |
|---|---|---|---|
| અંશુલ કમ્બોજ | 6 | 13 | 16.23 |
| પ્રસિદ્ધ કૃષ્ણા | 6 | 12 | 19.83 |
| પ્રિન્સ યાદવ | 6 | 11 | 17.18 |
| ભુવનેશ્વર કુમાર | 6 | 10 | 20.00 |
| રવિ બિશ્નોઈ | 6 | 10 | 19.00 |
| કાગિસો રબાડા | 6 | 10 | 22.40 |
| જોફ્રા આર્ચર | 6 | 8 | 22.38 |
| કૃણાલ પંડ્યા | 6 | 8 | 22.50 |
| કાર્તિક ત્યાગી | 7 | 8 | 27.38 |
| જેમી ઓવર્ટન | 5 | 8 | 17.88 |