Kane Williamson T20 Retirement: ન્યૂઝીલેન્ડના દિગ્ગજ બેટ્સમેન કેન વિલિયમસને આજે રવિવારે T20 આંતરરાષ્ટ્રીય ક્રિકેટમાંથી નિવૃત્તિની જાહેરાત કરી, જેનાથી તેના ભવિષ્ય વિશે લાંબા સમયથી ચાલી રહેલી અટકળોનો અંત આવ્યો છે. જોકે, વિલિયમસને સ્પષ્ટતા કરી છે કે તે ટેસ્ટ અને ODI ફોર્મેટમાં ન્યૂઝીલેન્ડ માટે રમવાનું ચાલુ રાખશે.
75 મેચોમાં કેપ્ટનશીપ કરી
કેન વિલિયમસને 2011 માં ન્યૂઝીલેન્ડ માટે T20 આંતરરાષ્ટ્રીય ક્રિકેટમાં પ્રવેશ કર્યો હતો અને અત્યાર સુધીમાં 93 મેચોમાં 2575 રન બનાવ્યા છે, જેમાં 18 અડધી સદીનો સમાવેશ થાય છે. તેનો શ્રેષ્ઠ સ્કોર 95 છે. તે આ ફોર્મેટમાં ન્યૂઝીલેન્ડનો બીજો સૌથી વધુ રન બનાવનાર ખેલાડી છે. તેમણે 75 T20 મેચમાં ન્યૂઝીલેન્ડનું નેતૃત્વ પણ કર્યું, ટીમને 2016 અને 2022 માં T20 વર્લ્ડ કપની સેમિફાઇનલ અને 2021 માં ફાઇનલમાં લઈ ગયો હતો.
🚨 KANE WILLIAMSON ANNOUNCED HIS RETIREMENT FROM T20I 🚨
— Johns. (@CricCrazyJohns) November 2, 2025
- Thank you, Kane ❤️ pic.twitter.com/YWrB5Td8vj
'યુવાનોને તક મળવી જોઈએ'
પોતાના નિર્ણયની જાહેરાત કરતા વિલિયમસને કહ્યું કે, "આ એક એવું ફોર્મેટ છે જે મને હંમેશા રમવાનું ગમ્યું છે. હું આ યાદો અને અનુભવો માટે અતિ આભારી છું. મને લાગે છે કે મારા અને ટીમ બંને માટે નવી દિશામાં આગળ વધવાનો આ યોગ્ય સમય છે. આ આગામી T20 વર્લ્ડ કપ માટે ટીમમાં સ્પષ્ટતા પણ લાવશે." તેઓ હવે આ ફોર્મેટમાં નવા ખેલાડીઓને તક આપવાનું સમર્થન કરે છે. આપણી પાસે ઘણી બધી T20 પ્રતિભા છે. આવનારો સમય આ ખેલાડીઓને તૈયાર કરવા અને તેમને આંતરરાષ્ટ્રીય અનુભવ આપવા માટે મહત્વપૂર્ણ રહેશે. જોકે વિલિયમસને T20 આંતરરાષ્ટ્રીય ક્રિકેટમાંથી નિવૃત્તિ લઈ લીધી છે, તે વિશ્વભરની T20 લીગમાં રમવાનું ચાલુ રાખશે.