IPL 2026 Points Table, Orange Cap & Purple Cap (May 23, 2026): ઇન્ડિયન પ્રીમિયર લીગ (IPL) 2026 માં શુક્રવારે રમાયેલી હાઈ-સ્કોરિંગ મેચમાં સનરાઇઝર્સ હૈદરાબાદ (SRH) એ રોયલ ચેલેન્જર્સ બેંગલુરુ (RCB) ને 55 રનથી પરાજય આપ્યો છે. જો કે, આ શાનદાર વિજય છતાં નબળા નેટ રન-રેટના કારણે હૈદરાબાદની ટીમ પોઈન્ટ ટેબલમાં 18 પોઈન્ટ સાથે ત્રીજા સ્થાને જ રહી છે. બીજી તરફ, પરાજય બાદ પણ RCB ટેબલમાં ટોચના સ્થાને યથાવત છે અને તેણે ઓફિશિયલી ટોપ-2 માં પોતાનું સ્થાન નિશ્ચિત કરી લીધું છે.
હૈદરાબાદના બેટ્સમેનોનો તરખાટ
પ્રથમ બેટિંગ કરવા ઉતરેલી સનરાઇઝર્સ હૈદરાબાદની ટીમે નિર્ધારિત 20 ઓવરમાં 255/4 નો વિશાળ સ્કોર ખડક્યો હતો. ટીમ વતી ઓપનર ઇશાન કિશને વિસ્ફોટક બેટિંગ કરતા સૌથી વધુ 79 રન ફટકાર્યા હતા. આ સિવાય અભિષેક શર્માએ 56 રન અને હેનરિક ક્લાસેને 51 રનની આક્રમક અડધી સદીઓ ફટકારીને ટીમને મજબૂત સ્થિતિમાં પહોંચાડી હતી.
256 રનના વિશાળ લક્ષ્યાંકનો પીછો કરવા ઉતરેલી રોયલ ચેલેન્જર્સ બેંગલુરુની ટીમ 20 ઓવરમાં 4 વિકેટે 200 રન જ બનાવી શકી હતી. RCB તરફથી સુકાની રજત પાટીદારે 39 બોલમાં 56 રનની કેપ્ટનશીપ ઇનિંગ રમી હતી, જ્યારે કૃણાલ પંડ્યાએ અણનમ 41 રનનું યોગદાન આપ્યું હતું. SRH તરફથી બોલિંગમાં એશાન મલિંગાએ શાનદાર પ્રદર્શન કરતા 4 ઓવરમાં માત્ર 33 રન આપીને 2 વિકેટ ઝડપી હતી.
SRH vs RCB મેચ પછી પોઈન્ટ્સ ટેબલ
| ક્રમ | ટીમ | મેચ | જીત | હાર | પરિણામ નહીં | પોઇન્ટ્સ | NRR |
|---|---|---|---|---|---|---|---|
| 1 | RCB (Q) | 14 | 9 | 5 | 0 | 18 | +0.783 |
| 2 | GT (Q) | 14 | 9 | 5 | 0 | 18 | +0.695 |
| 3 | SRH (Q) | 14 | 9 | 5 | 0 | 18 | +0.524 |
| 4 | RR | 13 | 7 | 6 | 0 | 14 | +0.083 |
| 5 | PBKS | 13 | 6 | 6 | 1 | 13 | +0.227 |
| 6 | KKR | 13 | 6 | 6 | 1 | 13 | +0.011 |
| 7 | CSK (E) | 14 | 6 | 8 | 0 | 12 | -0.345 |
| 8 | DC | 13 | 6 | 7 | 0 | 12 | -0.871 |
| 9 | MI (E) | 13 | 4 | 9 | 0 | 8 | -0.510 |
| 10 | LSG (E) | 13 | 4 | 9 | 0 | 8 | -0.702 |
SRH vs RCB મેચ પછી ઓરેન્જ કેપ લિસ્ટ
RCB સામે 51 રનની ઇનિંગ રમીને હેનરિક ક્લાસેને IPL 2026 માં સૌથી વધુ રન બનાવનારા ટોપ 3 બેટ્સમેનોની યાદીમાં સ્થાન મેળવી લીધું છે. જો કે, સાઈ સુદર્શન 53 બોલમાં 84 રનની ઇનિંગ સાથે હજુ પણ ઓરેન્જ કેપની રેસમાં ટોચના સ્થાને યથાવત છે.
- સાઈ સુદર્શન (GT): 14 મેચ, 638 રન
- શુભમન ગિલ (GT): 13 મેચ, 616 રન
- હેનરિક ક્લાસેન (SRH): 14 મેચ, 606 રન
- વૈભવ સૂર્યવંશી (RR): 13 મેચ, 579 રન
- ઇશાન કિશન (SRH): 14 મેચ, 569 રન
SRH vs RCB મેચ પછી પર્પલ કેપ લિસ્ટ
પર્પલ કેપના સ્ટેન્ડિંગમાં આ મેચ બાદ કોઈ મોટો ફેરફાર જોવા મળ્યો નથી. ભુવનેશ્વર કુમાર આ યાદીમાં પ્રથમ સ્થાને યથાવત છે, જો કે તેઓ આ મેચમાં વિકેટ ઝડપી શક્યા ન હતા. આ રેસમાં બીજા સ્થાને કાગીસો રબાડા છે, જેણે ચેન્નાઈ સુપર કિંગ્સ (CSK) સામે 3 વિકેટ ઝડપી હતી.
- ભુવનેશ્વર કુમાર (RCB): 14 મેચ, 24 વિકેટ
- કાગીસો રબાડા (GT): 14 મેચ, 24 વિકેટ
- અંશુલ કંબોજ (CSK): 14 મેચ, 21 વિકેટ
- રાશિદ ખાન (GT): 14 મેચ, 19 વિકેટ
- એશાન મલિંગા (SRH): 14 મેચ, 19 વિકેટ
આજે LSG vs PBKS: પંજાબ માટે કરો અથવા મરો જેવી સ્થિતિ
IPL 2026 ની 68મી મેચ શનિવાર, 23 મેના રોજ લખનૌ સુપર જાયન્ટ્સ (LSG) અને પંજાબ કિંગ્સ (PBKS) વચ્ચે રમાશે. આ મુકાબલો લખનૌના ભારત રત્ન શ્રી અટલ બિહારી વાજપેયી એકાના ક્રિકેટ સ્ટેડિયમ ખાતે રમાશે. પ્લેઓફની રેસમાં પોતાની આશા જીવંત રાખવા માટે પંજાબ કિંગ્સ માટે આ મેચ જીતવી અત્યંત અનિવાર્ય છે.