IPL 2026 Points Table, Orange Cap & Purple Cap (May 22, 2026): ઇન્ડિયન પ્રીમિયર લીગ (IPL) 2026 માં ગુરુવારે રમાયેલી રોમાંચક મેચમાં ગુજરાત ટાઇટન્સ (GT) એ ચેન્નાઈ સુપર કિંગ્સ (CSK) ને 89 રનના વિશાળ અંતરથી હરાવીને શાનદાર વિજય મેળવ્યો છે. આ ધમાકેદાર જીત સાથે જ ગુજરાત ટાઇટન્સે પોઈન્ટ્સ ટેબલના ટોપ-2 માં પોતાનું સ્થાન સુરક્ષિત કરી લીધું છે અને પ્લે-ઓફની રેસમાં ક્વોલિફિકેશન માટે મજબૂત દાવેદારી નોંધાવી છે.
ગુજરાતના ઓપનર્સે રચી હિસ્ટ્રી
ટોસ હાર્યા બાદ પ્રથમ બેટિંગ કરવા ઉતરેલી ગુજરાત ટાઇટન્સની ટીમે બેટિંગ માટે અનુકૂળ પિચ પર 4 વિકેટે 229 રનનો વિશાળ સ્કોર ખડક્યો હતો. ઓપનર શુભમન ગિલ (37 બોલમાં 64 રન) અને સાઈ સુદર્શને (53 બોલમાં 84 રન) શાનદાર સાતમી સદીની ભાગીદારી નોંધાવીને ઇતિહાસ રચ્યો હતો અને ટીમને મજબૂત શરૂઆત અપાવી હતી. જોસ બટલરે માત્ર 27 બોલમાં અણનમ 57 રનની તોફાની ઇનિંગ રમીને ચોગ્ગા-છગ્ગાનો વરસાદ કર્યો હતો અને ટીમના સ્કોરને મજબૂતી આપી હતી.
પાવરપ્લેમાં જ CSK ની ઇનિંગ્સ પત્તાની જેમ વિખેરાઈ
પ્લે-ઓફની આશા જીવંત રાખવા માટે 230 રનના વિશાળ લક્ષ્યાંકનો પીછો કરવા ઉતરેલી ચેન્નાઈ સુપર કિંગ્સની શરૂઆત અત્યંત ખરાબ રહી હતી. CSK એ પાવરપ્લે દરમિયાન જ માત્ર 51 રનમાં પોતાની 4 મહત્વની વિકેટો ગુમાવી દીધી હતી. મધ્યક્રમમાં શિવમ દુબેએ 17 બોલમાં 47 રનની આક્રમક ઇનિંગ રમીને થોડો સંઘર્ષ કર્યો હતો, પરંતુ આખી ટીમ 13.4 ઓવરમાં માત્ર 140 રન બનાવીને ઓલઆઉટ થઈ ગઈ હતી.
GT vs CSK મેચ પછી પોઈન્ટ્સ ટેબલ
આ શાનદાર જીત બાદ ગુજરાત ટાઇટન્સ પોઈન્ટ્સ ટેબલમાં ટોપ-2 માં પહોંચી ગયું છે. હવે પછીની આગામી મેચમાં રોયલ ચેલેન્જર્સ બેંગલુરુ (RCB) નો સામનો સનરાઇઝર્સ હૈદરાબાદ (SRH) સામે થશે, જ્યાં બંને ટીમો ટોપ-2 માં પોતાનું સ્થાન મજબૂત કરવાના ઈરાદા સાથે મેદાનમાં ઉતરશે.
| ક્રમ | ટીમ | મેચ | જીત | હાર | પરિણામ નહીં | પોઇન્ટ્સ | નેટ રન રેટ |
|---|---|---|---|---|---|---|---|
| 1 | RCB (Q) | 13 | 9 | 4 | 0 | 18 | +1.065 |
| 2 | GT (Q) | 14 | 9 | 5 | 0 | 18 | +0.695 |
| 3 | SRH (Q) | 13 | 8 | 5 | 0 | 16 | +0.350 |
| 4 | RR | 13 | 7 | 6 | 0 | 14 | +0.083 |
| 5 | PBKS | 13 | 6 | 6 | 1 | 13 | +0.227 |
| 6 | KKR | 13 | 6 | 6 | 1 | 13 | +0.011 |
| 7 | CSK (E) | 14 | 6 | 8 | 0 | 12 | -0.345 |
| 8 | DC | 13 | 6 | 7 | 0 | 12 | -0.871 |
| 9 | MI (E) | 13 | 4 | 9 | 0 | 8 | -0.510 |
| 10 | LSG (E) | 13 | 4 | 9 | 0 | 8 | -0.702 |
GT vs CSK મેચ પછી ઓરેન્જ કેપ લિસ્ટ
ચેન્નાઈ સામે 84 રનની વિસ્ફોટક ઇનિંગ રમનાર સાઈ સુદર્શન હવે ઓરેન્જ કેપની રેસમાં ટોચના સ્થાને પહોંચી ગયો છે. આ મેચમાં અડધી સદી ફટકારનાર શુભમન ગિલ યાદીમાં બીજા નંબર પર આવી ગયો છે, જ્યારે વૈભવ સૂર્યવંશી ત્રીજા સ્થાન પર છે.
- સાઈ સુદર્શન (GT): 14 મેચ, 638 રન
- શુભમન ગિલ (GT): 13 મેચ, 616 રન
- વૈભવ સૂર્યવંશી (RR): 13 મેચ, 579 રન
- મિશેલ માર્શ (LSG): 13 મેચ, 563 રન
- હેનરિક ક્લાસેન (SRH): 13 મેચ, 555 રન
GT vs CSK મેચ પછી પર્પલ કેપ લિસ્ટ
પર્પલ કેપના સ્ટેન્ડિંગમાં કોઈ મોટો ફેરફાર જોવા મળ્યો નથી. ભુવનેશ્વર કુમાર હજુ પણ સૌથી વધુ વિકેટ સાથે ચાર્ટમાં મોખરે છે. જ્યારે ચેન્નાઈ સુપર કિંગ્સ સામેની મેચમાં 3 વિકેટ ઝડપીને શાનદાર પ્રદર્શન કરનાર કાગીસો રબાડા આ યાદીમાં બીજા ક્રમે છે.
- ભુવનેશ્વર કુમાર (RCB): 13 મેચ, 24 વિકેટ
- કાગીસો રબાડા (GT): 14 મેચ, 24 વિકેટ
- અંશુલ કંબોજ (CSK): 14 મેચ, 21 વિકેટ
- રાશિદા ખાન (GT): 14 મેચ, 19 વિકેટ
- જોફ્રા આર્ચર (RR): 13 મેચ, 18 વિકેટ
આજે SRH vs RCB વચ્ચે મહામુકાબલો
IPL 2026 ની 67મી મેચમાં શુક્રવાર, 22 મેના રોજ સનરાઇઝર્સ હૈદરાબાદ અને રોયલ ચેલેન્જર્સ બેંગલુરુ વચ્ચે રાજીવ ગાંધી ઇન્ટરનેશનલ સ્ટેડિયમ ખાતે હાઈ-વોલ્ટેજ મેચ રમાશે. આ બંને ટીમોની આ સીઝનની અંતિમ લીગ મેચ છે, જે પ્લે-ઓફના સમીકરણો માટે અત્યંત નિર્ણાયક સાબિત થશે.