Orange Cap, Purple Cap Holder in IPL 2026: ઇન્ડિયન પ્રીમિયર લીગ (IPL) 2026 હવે તેના રોમાંચક તબક્કામાં પ્રવેશી ચૂકી છે. સનરાઇઝર્સ હૈદરાબાદ (SRH) અને રાજસ્થાન રોયલ્સ (RR) વચ્ચે રમાયેલી હાઇ-વોલ્ટેજ એલિમિનેટર મેચ બાદ ઓરેન્જ કેપ અને પર્પલ કેપની રેસ વધુ રસપ્રદ બની ગઈ છે.
IPL 2026: વૈભવ સૂર્યવંશી ઓરેન્જ કેપની રેસમાં સૌથી આગળ
આ પણ વાંચો
રાજસ્થાન રોયલ્સ અને સનરાઇઝર્સ હૈદરાબાદ વચ્ચે રમાયેલી એલિમિનેટર મેચમાં યુવા બેટ્સમેન વૈભવ સૂર્યવંશીએ વિસ્ફોટક બેટિંગનું પ્રદર્શન કર્યું હતું. તેણે માત્ર 29 બોલમાં 5 ચોગ્ગા અને 12 છગ્ગાની મદદથી ધમાકેદાર 97 રન ફટકારીને ઓરેન્જ કેપની યાદીમાં ટોચનું સ્થાન મેળવી લીધું છે. ચાલુ સીઝનમાં શાનદાર ફોર્મમાં ચાલી રહેલો વૈભવ 680 રન સાથે રન-સ્કોરર ચાર્ટમાં પ્રથમ સ્થાને છે.
વૈભવે અત્યાર સુધી રમાયેલી 15 મેચોમાં 242.85 ના આક્રમક સ્ટ્રાઇક રેટથી રન બનાવ્યા છે, જેમાં 1 સદી અને 4 અર્ધશતક સામેલ છે. આ સીઝનમાં તેનો સર્વોચ્ચ સ્કોર 103 રન રહ્યો છે અને તેણે અત્યાર સુધીમાં 55 ચોગ્ગા તથા 65 છગ્ગા ફટકાર્યા છે.
ઓરેન્જ કેપની રેસમાં અન્ય ખેલાડીઓની વાત કરીએ તો, ગુજરાત ટાઇટન્સનો સાઈ સુદર્શન 652 રન (સરેરાશ 46.57) સાથે બીજા સ્થાને છે. સનરાઇઝર્સ હૈદરાબાદનો હેનરિક ક્લાસેન 624 રન સાથે ત્રીજા સ્થાને છે, જ્યારે શુભમન ગિલ અને ઇશાન કિશન પણ ટોપ 5 માં મજબૂત દાવેદારી નોંધાવી રહ્યા છે.
ઓરેન્જ કેપ સ્ટેન્ડિંગ્સ (ટોપ 5 બેટ્સમેન)
- વૈભવ સૂર્યવંશી (RR): 15 મેચ, 680 રન
- સાઈ સુદર્શન (GT): 15 મેચ, 652 રન
- હેનરિક ક્લાસેન (SRH): 15 મેચ, 624 રન
- શુભમન ગિલ (GT): 14 મેચ, 618 રન
- ઇશાન કિશન (SRH): 15 મેચ, 602 રન
IPL 2026: પર્પલ કેપની રેસમાં ભુવનેશ્વર કુમાર ટોચ પર
બેટ્સમેનોની સાથે બોલરો વચ્ચેની જંગ પણ એટલી જ રોમાંચક બની રહી છે. ગુજરાત ટાઇટન્સ સામેની તાજેતરની મેચ બાદ રોયલ ચેલેન્જર્સ બેંગલુરુ (RCB) ના ભુવનેશ્વર કુમારે પર્પલ કેપ પર પોતાનો કબ્જો જમાવ્યો છે.
ભુવનેશ્વર કુમારે 15 મેચોમાં 8.00 ની ઇકોનોમી રેટથી શાનદાર બોલિંગ કરીને 26 વિકેટ ઝડપી છે, જેમાં 23 રન આપીને 4 વિકેટ તેનું સર્વશ્રેષ્ઠ પ્રદર્શન રહ્યું છે. મધ્ય ઓવરોમાં તેની સ્વિંગ અને વિવિધતા સામે મોટા-મોટા બેટ્સમેનો પણ સંઘર્ષ કરતા જોવા મળ્યા છે.
આ યાદીમાં બીજા સ્થાને ગુજરાત ટાઇટન્સનો કાગીસો રબાડા છે, જેણે પણ 26 વિકેટ ઝડપી છે. આ સિવાય જોફ્રા આર્ચર (24 વિકેટ), અંશુલ કંબોજ (21 વિકેટ) અને એશાન મલિંગા (20 વિકેટ) સાથે પર્પલ કેપ મેળવવા માટે સખત સ્પર્ધા કરી રહ્યા છે.
પર્પલ કેપ સ્ટેન્ડિંગ્સ (ટોપ 5 બોલર્સ)
- ભુવનેશ્વર કુમાર (RCB): 15 મેચ, 26 વિકેટ
- કાગીસો રબાડા (GT): 15 મેચ, 26 વિકેટ
- જોફ્રા આર્ચર (RR): 15 મેચ, 24 વિકેટ
- અંશુલ કંબોજ (CSK): 14 મેચ, 21 વિકેટ
- ઇશાન મલિંગા (SRH): 15 મેચ, 20 વિકેટ