IND W vs SL W: ભારતીય મહિલા ક્રિકેટ ટીમ અને શ્રીલંકા વચ્ચે 5 મેચની T20 શ્રેણીની ચોથી મેચ તિરુવનંતપુરમના ગ્રીનફિલ્ડ ઇન્ટરનેશનલ સ્ટેડિયમ ખાતે રમાઈ હતી. જ્યાં ચમારી અટાપટ્ટુએ ટોસ જીતીને ટીમ ઈન્ડિયાને બેટિંગ માટે આમંત્રણ આપ્યું. આનો ફાયદો ઉઠાવતા ટીમ ઈન્ડિયાના બેટ્સમેનોએ 20 ઓવરમાં 2 વિકેટ ગુમાવીને 221 રન બનાવ્યા. જવાબમાં, શ્રીલંકાની ટીમ ફક્ત 191 રન બનાવી શકી અને 30 રનથી મેચ હારી ગઈ. ટીમ ઈન્ડિયાએ સતત ચોથી મેચ જીતી.
ભારતીય બેટ્સમેનોનો તરખાટ
ટોસ હાર્યા બાદ, પ્રથમ બેટિંગ કરવા ઉતરેલી ભારતીય મહિલા ક્રિકેટ ટીમને શાનદાર શરૂઆત મળી. ઓપનર શેફાલી વર્માએ 46 બોલમાં 171.74ની સ્ટ્રાઇક રેટથી 79 રન બનાવ્યા. આ ઇનિંગમાં તેણે 12 ચોગ્ગા અને 1 છગ્ગો ફટકાર્યો. સુપરસ્ટાર સ્મૃતિ મંધાનાએ પણ 48 બોલમાં 80 રન બનાવ્યા છે. જેમાં મંધાનાએ 11 ચોગ્ગા અને 3 ગગનચુંબી છગ્ગા ફટકાર્યા છે. અંતે, વિકેટકીપર-બેટ્સમેન ઋચા ઘોષે માત્ર 16 બોલમાં 40 રનની અણનમ ઇનિંગ રમી. જેમાં 3 છગ્ગા અને 4 ચોગ્ગાનો સમાવેશ થાય છે. જેના કારણે ભારતે 20 ઓવરમાં 2 વિકેટ ગુમાવીને 221 રન બનાવ્યા છે. શ્રીલંકા તરફથી માલશા શેહાનીએ શ્રેષ્ઠ બોલિંગ કરી અને 1 વિકેટ લીધી.
Bit of a juggle but hangs onto it 👏
— BCCI Women (@BCCIWomen) December 28, 2025
G.Kamalini makes an impact at the boundary 👊
Updates ▶️ https://t.co/9lrjb3dMqU #TeamIndia | #INDvSL | @IDFCFIRSTBank pic.twitter.com/muu6lStT1H
ટીમ ઈન્ડિયાનો સતત ચોથો વિજય
મોટા લક્ષ્યનો પીછો કરતા શ્રીલંકાના કેપ્ટન ચમારી અટાપટ્ટુએ 37 બોલમાં 52 રનની ઇનિંગ રમી. હસિની પરેરાએ પણ 20 બોલમાં 33 રન બનાવ્યા . બે ઓપનરો પછી, કોઈ પણ આક્રમક રીતે મોટી ઇનિંગ્સ રમી શક્યું નહીં. ઇમેશા દુલાનીએ ખરાબ બેટિંગ કરી અને 28 બોલમાં ફક્ત 29 રન બનાવ્યા. જેના કારણે શ્રીલંકાની ટીમ 20 ઓવરમાં 6 વિકેટે માત્ર 191 રન જ બનાવી શકી. ટીમ ઈન્ડિયા તરફથી અરુંધતી રેડ્ડી અને વૈષ્ણવી શર્માએ 2-2 વિકેટ લીધી. આ સાથે જ ટીમ ઈન્ડિયાએ સતત ચોથી મેચ જીતી. 2025ના ODI વર્લ્ડ કપ પછી T20માં ભારતીય મહિલા ખેલાડીઓનું વર્ચસ્વ જોવા મળી રહ્યું છે.