Rituraj Gaikwad Century: ભારત અને દક્ષિણ આફ્રિકા વચ્ચે ત્રણ મેચની ODI શ્રેણી ચાલી રહી છે. શ્રેણીની બીજી મેચ 3 ડિસેમ્બરે રાયપુરમાં રમાઈ રહી છે. દક્ષિણ આફ્રિકાએ ટોસ જીતીને પહેલા બોલિંગ કરવાનો નિર્ણય લીધો. બેટિંગ કરવાનો નિર્ણય લેતા, ટીમ ઈન્ડિયાની શરૂઆત સારી રહી ન હતી. રોહિત શર્મા અને યશસ્વી જયસ્વાલ સસ્તામાં આઉટ થયા હતા. ત્યારબાદ વિરાટ કોહલી અને રુતુરાજ ગાયકવાડે બાજી સંભાળી, ગાયકવાડે શાનદાર સદી ફટકારી.
ગાયકવાડની પહેલી સદી
ઋતુરાજ ગાયકવાડે આ મેચમાં શાનદાર સદી ફટકારીને ધમાલ મચાવી દીધી. તેણે પોતાની ODI કારકિર્દીની પહેલી સદી ફટકારી. ગાયકવાડે અગાઉ ભારત માટે T20માં શાનદાર સદી ફટકારી છે. તેણે 77 બોલમાં પોતાની સદી પૂરી કરી અને સનસનાટી મચાવી દીધી.
પોતાની સદી પછી ગાયકવાડ લાંબા સમય સુધી ક્રીઝ પર ટકી શક્યો નહીં. તેમણે 83 બોલમાં 105 રનની શાનદાર ઇનિંગ રમી. તેની ઇનિંગ દરમિયાન, તેણે 12 ચોગ્ગા અને બે છગ્ગા ફટકાર્યા હતા.
ગાયકવાડે ઇતિહાસ રચ્યો
આ મેચ રૂતુરાજ ગાયકવાડ માટે ખાસ હતી, કારણ કે તેણે 77 બોલમાં પોતાની પહેલી ODI સદી પૂરી કરી હતી. તેની સદી ભારતીય ક્રિકેટ ઇતિહાસમાં યાદ રાખવામાં આવશે, જેના કારણે તે દક્ષિણ આફ્રિકા સામે સદી ફટકારનાર બીજા સૌથી ઝડપી બેટ્સમેન બન્યો. આ પહેલા યુસુફ પઠાણના નામે 2011માં 68 બોલમાં સદી ફટકારીને આ રેકોર્ડ હતો. ગાયકવાડે મેચમાં કુલ 105 રન બનાવ્યા હતા, પરંતુ આખરે યાનસેન દ્વારા આઉટ થયો હતો.
Maiden ODI Century! 💯🥳
— BCCI (@BCCI) December 3, 2025
A special knock this from Ruturaj Gaikwad! 🔥
Updates ▶️ https://t.co/oBs0Ns6SqR#TeamIndia | #INDvSA | @IDFCFIRSTBank pic.twitter.com/cnIhlR5JgE
સંકટ સમયે ગાયકવાડનો સાવધાનીપૂર્વકનો દેખાવ
જ્યારે રુતુરાજ ગાયકવાડ ક્રીઝ પર આવ્યો ત્યારે ભારતે 62 રનમાં બે મુખ્ય વિકેટ ગુમાવી દીધી હતી. રોહિત શર્મા અને યશસ્વી જયસ્વાલના આઉટ થવાથી ભારતીય ઇનિંગ્સને મોટો ફટકો પડ્યો. આ સ્થિતિમાં રન રેટ ધીમો પડવાની અપેક્ષા હતી, પરંતુ ગાયકવાડ અને વિરાટ કોહલીએ ઇનિંગ્સને સમજદારીપૂર્વક સંભાળી અને રન રેટ જાળવી રાખ્યો. બંને બેટ્સમેનોએ લૂઝ બોલિંગનો લાભ લીધો અને વિસ્ફોટક શોટ રમ્યા, જેનાથી ભારતની ઇનિંગ્સ મજબૂત બની.
માર્કો યાનસેને તેને આઉટ કર્યો. આ પહેલા, ગાયકવાડે રાંચીમાં રમાયેલી પહેલી વનડેમાં નિરાશાજનક ઇનિંગ રમી હતી, જેમાં તેણે ફક્ત 8 રન બનાવ્યા હતા. ગાયકવાડે ભારત માટે 7 વનડે રમી હતી, પરંતુ એક પણ સદી ફટકારી ન હતી. જોકે, 8મી વનડેમાં તેણે પોતાની પહેલી વનડે સદી ફટકારી હતી. જોકે, તે T220માં ભારત માટે સદી ફટકારી ચૂક્યો છે.