World Test Championship (2025-2027) Points Table: આઈસીસી વિશ્વ ટેસ્ટ ચેમ્પિયનશિપ 2025-27 માં ઓસ્ટ્રેલિયા 36 પોઈન્ટ સાથે ટોચ પર છે. ભારતીય ટીમે વેસ્ટ ઈન્ડિઝને 2-0 થી હરાવીને પોતાની જીતની ટકાવારી 61.90 કરી લીધી છે અને તે ત્રીજા સ્થાને જળવાઈ રહી છે. ભારતીય ટીમે વેસ્ટ ઈન્ડિઝ સામેની બીજી ટેસ્ટ 7 વિકેટે જીતી, જેનાથી તેને 12 પોઈન્ટ મળ્યા હતા. જાણો પોઈન્ટ્સ ટેબલની લેટેસ્ટ સ્થિતિ
વેસ્ટ ઈન્ડિઝને હરાવ્યા પછી ભારતની સ્થિતિ
આ પણ વાંચો
ભારતને બે મેચની ટેસ્ટ સીરિઝમાં વેસ્ટ ઈન્ડિઝને 2-0થી હરાવ્યા બાદ ફાયદો મળ્યો છે. ટીમ ઈન્ડિયા નંબર 3 પર જાળવી રહી છે, પરંતુ તેમની જીતની ટકાવારીમાં ફેરફાર થયો છે. બીજા ટેસ્ટ મેચ જીતતા પહેલા ભારતની જીતની ટકાવારી 55.56 ની હતી અને તેની પાસે 40 પોઈન્ટ હતા. દિલ્હી ટેસ્ટમાં વેસ્ટ ઈન્ડિઝને હરાવ્યા પછી ભારતની જીતની ટકાવારી 61.90 થઈ ગઈ છે અને તેમની પાસે હવે કુલ 52 પોઈન્ટ છે. ટીમ ઈન્ડિયાએ 7 માંથી 4 મેચ જીતી છે, જ્યારે 2 મેચમાં હાર અને 1 મેચ ડ્રો થઈ છે.
પોઈન્ટ્સ ટેબલમાં ટોચ પર ઓસ્ટ્રેલિયાની ટીમ
આઈસીસી વર્લ્ડ ટેસ્ટ ચેમ્પિયનશિપ 2025-27 ની પોઈન્ટ્સ ટેબલમાં ટોચ પર ઓસ્ટ્રેલિયન ટીમ છે, જેમની જીતની ટકાવારી 100% ની છે. ઓસ્ટ્રેલિયન ટીમ અત્યારે તેના ત્રણેય મેચમાં જીત મેળવીને 36 પોઈન્ટ સાથે ટોચ પર વિરાજમાન છે. બીજા નંબર પર શ્રીલંકાની ટીમ છે, જેણે 2 માંથી એક મેચ જીતીને 16 પોઈન્ટ અને 66.67% જીતની ટકાવારી હાંસલ કરી છે. નંબર 3 પર ટીમ ઈન્ડિયા છે. જેની પાસે 52 પોઈન્ટ અને 61.90 ટકા જીતની ટકાવારી છે. ઈંગ્લેન્ડની ટીમ 5 મેચમાંથી 2 મેચ જીતીને 26 પોઈન્ટ અને 43.33% જીતની ટકાવારી સાથે નંબર 4 પર હાજર છે.
WTC પોઈન્ટ્સ સિસ્ટમ
WTC માં ટીમોને જીતેલા પોઈન્ટ્સની ટકાવારીના આધારે રેન્કિંગ આપવામાં આવે છે.
- મેચ જીતવા પર: 12 પોઈન્ટ
- મેચ ટાઈ થવા પર: 6 પોઈન્ટ
- મેચ ડ્રો થવા પર: 4 પોઈન્ટ
- મેચ હારવા પર: 0 પોઈન્ટ
- પોઈન્ટ કપાત: ધીમી ઓવર ગતિ માટે પોઈન્ટ કાપવામાં આવે છે.
- ફાઇનલ: લીગ ચરણના અંતે ટોચની બે ટીમો 2027 ફાઇનલ માટે ક્વોલિફાય થશે.