ઈંગ્લેન્ડ ક્રિકેટ બોર્ડે શુક્રવારે દક્ષિણ આફ્રિકા અને આયર્લેન્ડ સામેની શ્રેણી માટે ઈંગ્લેન્ડ ટીમની જાહેરાત કરી. દક્ષિણ આફ્રિકા સામે વનડે અને ટી20 મેચની શ્રેણી રમાશે, જ્યારે આયર્લેન્ડ સામે ટી20 આંતરરાષ્ટ્રીય શ્રેણી રમાશે. 21 વર્ષીય જેકબ બેથેલને આયર્લેન્ડ પ્રવાસ માટે ઈંગ્લેન્ડની કમાન સોંપવામાં આવી છે. તે ઈંગ્લેન્ડનો સૌથી યુવા કેપ્ટન બનશે.
દક્ષિણ આફ્રિકા સામેની ODI શ્રેણી 2 સપ્ટેમ્બર, મંગળવારથી હેડિંગ્લી ખાતે શરૂ થશે. આયર્લેન્ડ સામેની ત્રણ મેચની T20 શ્રેણી ડબલિનના માલાહાઇડ ખાતે રમાશે, જેની પહેલી મેચ બુધવાર, 17 સપ્ટેમ્બરના રોજ રમાશે. દક્ષિણ આફ્રિકા સામેની ODI અને T20 આંતરરાષ્ટ્રીય શ્રેણી માટે મર્યાદિત ટિકિટો ઉપલબ્ધ છે.
ઇંગ્લેન્ડની વનડે ટીમ: હેરી બ્રુક (કેપ્ટન), રેહાન અહેમદ, જોફ્રા આર્ચર, સની બેકર, ટોમ બેન્ટન, જેકબ બેથેલ, જોસ બટલર, બ્રાઇડન કાર્સ, બેન ડકેટ, વિલ જેક્સ, સાકિબ મહમૂદ, જેમી ઓવરટન, આદિલ રશીદ, જો રૂટ, જેમી સ્મિથ.
Our 15-player ODI squad v SA ?
— England Cricket (@englandcricket) August 15, 2025
Who are you excited to see in action? ?
? Headingley, Leeds
? Lord's, London
? Utilita Bowl, Southampton pic.twitter.com/hFpJ4yuasz
ઇંગ્લેન્ડની T20 ટીમ
હેરી બ્રુક (કેપ્ટન), રેહાન અહેમદ, જોફ્રા આર્ચર, ટોમ બેન્ટન, જેકબ બેથેલ, જોસ બટલર, બ્રાઇડન કાર્સ, લિયામ ડોસન, બેન ડકેટ, વિલ જેક્સ, સાકિબ મહમૂદ, જેમી ઓવરટન, આદિલ રશીદ, ફિલ સોલ્ટ, જેમી સ્મિથ, લ્યુક વુડ.
વાર્વિકશાયરના ઓલરાઉન્ડર જેકબ બેથેલને આયર્લેન્ડ સામેની T20 શ્રેણી માટે પહેલીવાર ઇંગ્લેન્ડની પુરુષ ટીમના કેપ્ટન તરીકે નિયુક્ત કરવામાં આવ્યો છે. 21 વર્ષીય બેથેલ ડબલિનમાં ટીમનો હવાલો સંભાળશે ત્યારે તે આંતરરાષ્ટ્રીય મેચમાં ઇંગ્લેન્ડની પુરુષ ટીમનો સૌથી યુવા કેપ્ટન બનવા માટે તૈયાર છે. શાનદાર પ્રદર્શન બાદ હેમ્પશાયરના ફાસ્ટ બોલર સની બેકરને ટીમમાં સામેલ કરવામાં આવ્યો હતો. માર્કસ ટ્રેસ્કોથિક આયર્લેન્ડ શ્રેણી માટે મુખ્ય કોચની ભૂમિકા ભજવશે.
આયર્લેન્ડ સામે ઇંગ્લેન્ડની T20 ટીમ
જેકબ બેથેલ (કેપ્ટન), રેહાન અહેમદ, સોની બેકર, ટોમ બેન્ટન, જોસ બટલર, લિયામ ડોસન, ટોમ હાર્ટલી, વિલ જેક્સ, સાકિબ મહમૂદ, જેમી ઓવરટન, મેથ્યુ પોટ્સ, આદિલ રશીદ, ફિલ સોલ્ટ, લ્યુક વુડ.
Over the Irish sea! ? ?
— England Cricket (@englandcricket) August 15, 2025
Our squad to take on Ireland in Malahide with Jacob Bethell in charge! ? pic.twitter.com/r8tm1soo9N
ઈંગ્લેન્ડની પુરુષ ટીમના પસંદગીકાર લ્યુક રાઈટે જણાવ્યું હતું કે- જેકબ બેથેલે ઈંગ્લેન્ડ ટીમ સાથેના તેમના સમય દરમિયાન તેની લીડરશિપ ક્વોલિટીથી પ્રભાવિત થયા છે અને આયર્લેન્ડ સામેની શ્રેણી તેમને આંતરરાષ્ટ્રીય સ્તરે તેમની કુશળતાને વધુ નિખારવાની તક પૂરી પાડશે.