Border Gavaskar Trophy: ભારતીય ક્રિકેટ કંટ્રોલ બોર્ડે શુક્રવારે બોર્ડર ગાવસ્કર ટ્રોફી માટે 18 સભ્યોની ભારતીય ટીમની જાહેરાત કરી હતી. ફાસ્ટ બોલર મોહમ્મદ શમી ભારતીય ટીમમાં પરત ફર્યો નથી. શમી ODI વર્લ્ડ કપ 2023થી ક્રિકેટથી દૂર છે. વિશ્વકપ બાદ તેની સર્જરી થઈ અને તે રિહેબમાંથી પસાર થઈ રહ્યો છે.
શમીની વાપસી ન થઈ
શમી સતત બોલિંગની પ્રેક્ટિસ કરી રહ્યો હતો. આવી સ્થિતિમાં શમી બોર્ડર ગાવસ્કર ટ્રોફીમાં વાપસી કરી શકે છે તેવી અટકળો ચાલી રહી હતી. જ્યારે કેએલ રાહુલ પોતાનું સ્થાન જાળવી રાખવામાં સફળ રહ્યો છે. આ સિરીઝ 22 નવેમ્બરથી શરૂ થશે. આ દરમિયાન ભારત અને ઓસ્ટ્રેલિયા વચ્ચે 5 ટેસ્ટ મેચ રમાશે.
— ???????? ????? (@MdShami11) October 25, 2024
કુલદીપ યાદવ વિશે અપડેટ
BCCIએ શુક્રવારે કહ્યું કે, કુલદીપ યાદવ ઓસ્ટ્રેલિયા પ્રવાસ માટે પસંદગી માટે ઉપલબ્ધ નથી. કુલદીપને પીઠમાં તકલીફ છે. આવી સ્થિતિમાં ન્યુઝીલેન્ડ સામેની ટેસ્ટ સીરીઝ બાદ તેને બીસીસીઆઈના એક્સેલન્સ સેન્ટરમાં મોકલવામાં આવશે.
ઈશ્ર્વરને ઈનામ મળ્યું
- ડોમેસ્ટિક ક્રિકેટમાં સતત રન બનાવી રહેલા અભિમન્યુ ઇશ્વરને આખરે ભારતીય ટીમમાં જગ્યા મળી છે.
- તાજેતરમાં તેણે ઘણી ઇનિંગ્સમાં સેન્ચુરી ફટકારી છે.
- તે ભારતીય ટીમનો બેકઅપ ઓપનર બની શકે છે.
- ભારતીય કેપ્ટન રોહિત શર્મા શ્રેણીની શરૂઆતની મેચો ગુમાવી શકે છે.
- આવી સ્થિતિમાં ઇશ્વરન યશસ્વી જયસ્વાલનો સાથ આપતો જોવા મળી શકે છે.
શાર્દુલને સ્થાન ન મળ્યું
અક્ષર પટેલ અને શાર્દુલ ઠાકુરને ઓસ્ટ્રેલિયા સામેની ટેસ્ટ શ્રેણી માટે ભારતીય ટીમમાં સ્થાન આપવામાં આવ્યું નથી. નીતીશ રેડ્ડીને ટીમમાં સામેલ કરવામાં આવ્યો છે. નીતિશ રાણા અને પ્રસિદ્ધ કૃષ્ણા પણ ઓસ્ટ્રેલિયા જશે. મુકેશ કુમાર, નવદીપ સૈની અને ખલીલ અહેમદ રિઝર્વ ખેલાડીઓ હશે.
બોર્ડર ગાવસ્કર ટ્રોફી માટે ભારતીય ટીમ
રોહિત શર્મા (કેપ્ટન), જસપ્રિત બુમરાહ (વાઈસ-કેપ્ટન), યશસ્વી જયસ્વાલ, અભિમન્યુ ઇશ્વરન, શુભમન ગિલ, વિરાટ કોહલી, કેએલ રાહુલ, ઋષભ પંત (વિકેટકીપર), સરફરાઝ ખાન, ધ્રુવ જુરેલ (વિકેટકીપર), રવિચંદ્રન અશ્વિન, રવિન્દ્ર જાડેજા, મોહમ્મદ સિરાજ, આકાશ દીપ, પ્રસીદ, હર્ષિત રાણા, નીતિશ કુમાર રેડ્ડી, વોશિંગ્ટન સુંદર.
ટ્રાવેલિંગ રિઝર્વ
મુકેશ કુમાર, નવદીપ સૈની, ખલીલ અહેમદ.
બોર્ડર ગાવસ્કર ટ્રોફી 2024-25 શિડ્યૂલ
- પ્રથમ ટેસ્ટ: 22 થી 25 નવેમ્બર - પર્થ
- બીજી ટેસ્ટ: 6 થી 10 ડિસેમ્બર - એડિલેડ ઓવલ
- ત્રીજી ટેસ્ટ: 14 થી 18 ડિસેમ્બર - ગાબ્બા
- ચોથી ટેસ્ટ: 26 થી 30 ડિસેમ્બર- મેલબોર્ન
- પાંચમી ટેસ્ટ: 3 થી 7 જાન્યુઆરી - સિડની